Лідэр руху “Маладая Беларусь” Артур Фінькевіч падаў скаргу ў Генэральную пракуратуру Беларусі на дзеяньні памежнікаў.
Сёньня памежнікі не выпусьцілі яго на канфэрэнцыю ў Вільню, спаслаўшыся на тое, што ён адбывае пакараньне паводле прысуду Кастрычніцкага райсуду Магілёва.
А ў лютым на беларуска-польскай мяжы ў апазыцыянэра забралі ноўт-бук нібыта для праверкі і дагэтуль не вярнулі. Артур Фінькевіч патрабуе, каб яму вярнулі маёмасьць і зьнялі абмежаваньне на выезд за межы Беларусі.