Нацыянальны банк Беларусі просіць у Ашчаднага банку Расеі крэдыт у 2 мільярды даляраў.
Пра гэта паведаміў сябра рады дырэктараў НБ Беларусі, начальнік галоўнай управы банкаўскага нагляду Сяргей Дубкоў.
“Перамовы знаходзяцца на пачатковай стадыі”, - заявіў Дубкоў.
Ён дадаў, што калі Ашчадны банк Расеі дасьць крэдыт, грошы пойдуць у тым ліку на падтрымку беларуска-расейскага гандлю, перадае Інтэрфакс.