Мастоўскі райвыканкам ня даў дазволу правесьці 12 лютага пікет супраць падвышэньня тарыфаў на жыльлёва-камунальныя паслугі.
У пікеце меўся ўдзельнічаць лідэр руху “За свабоду” Аляксандар Мілінкевіч.
Пра гэта паведаміў рэгіянальны каардынатар руху Алесь Зарэмбюк, які падаваў заяву мясцовым уладам.
Арганізатар меркаваў правесьці пікет у час абеду ў цэнтры гораду, дзе знаходзіцца райвыканкам і дзе бывае нямала мінакоў.