Антыкрызісная сустрэча Лукашэнкі зь Мядзьведзевым

4 лютага Аляксандар Лукашэнка сустрэнецца з прэзыдэнтам Расеі Дзьмітрыем Мядзьведзевым на паседжаньні вышэйшага савету так званай саюзнай дзяржавы.
“Галоўным будзе стварэньне пляну пераадоленьня фінансавага крызісу”, — паведаміў журналістам намесьнік кіраўніка ўраду Андрэй Кабякоў.

“Крызіс пройдзе хутка — за год-паўтара. У гэтай сытуацыі на барыкады ісьці ня трэба, а перацярпець, перажыць, працуючы”, — заявіў сёньня Лукашэнка, выступаючы ў Менску перад навукоўцамі.