Сёньня, 30 сьнежня, у Горадні ў грамадзкім прэс-клюбе адбылася дыскусія, прысьвечаная будаўніцтву Астравецкай атамнай электрастанцыі. Удзельнікі зрабілі выснову: адзінае, што сёньня магчыма яшчэ зрабіць, — гэта наладзіць грамадзкі кантроль і абмеркаваньне праекту. Пакуль што астравецкая ўлада агітуе на сходах насельніцтва за выгоды, якія будуць атрыманыя ад будаўніцтва АЭС, але не дазваляе грамадзкасьці абмяркоўваць яго зьнізу. Тым часам АЭС каля Астраўца — гэта не мясцовая праблема, яна агульнанацыянальная, зазначылі ўдзельнікі грамадзкага прэс-клюбу.
Распачаў дыскусію кіраўнік прэс-клюбу, журналіст Мікола Маркевіч. Ён зьвярнуў увагу на падставовыя моманты:
“Першае, самае галоўнае пытаньне: ці патрэбны нам гэты атам?Сёньня на гэтае пытаньне няма адназначнага адказу ў беларускім грамадзтве. Зрэшты, як няма дакладнага адказу на гэтае пытаньне і ў асяродзьдзі навукоўцаў. Па-другое, кантравэрсіі выклікае сам выбар пляцоўкі. У сувязі з тым, што грамадзтва толькі-толькі пачынае гэтай тэмай цікавіцца і абсалютна відавочна цяпер, што беларуская ўлада ня мае нейкай патрэбы ў грамадзкім абмеркаваньні гэтай праблемы, — мне здаецца вельмі актуальным запачаткаваць тады гэтую ініцыятыву зьнізу. Мы маем права ведаць — што будуецца, наколькі гэта для нас і нашых дзяцей небясьпечна альбо наколькі гэта выгадна”.
Сярод удзельнікаў дыскусіі знайшоўся толькі адзін прыхільнік будаўніцтва АЭС. Гэта навуковец, выкладчык Гарадзенскага ўнівэрсытэту Валянцін Лучко.
Мікола Маркевіч пацікавіўся ў яго:
“Ці можна назваць некалькі пунктаў: навошта нам, беларусам, патрэбна АЭС?”
Лучко: “Навошта нам патрэбна атамная электрастанцыя? Гэта — дывэрсыфікацыя паставак энэрганосьбітаў. Мы бачым, як выкручваюць рукі суседняй братняй Украіне, як палохаюць.І я б не хацеў, каб мы былі запалоханым народам яшчэ не адзін дзясятак гадоў. Я лічу, што атамныя электрастанцыі — гэта пэрспэктыва ў бліжэйшыя дзесяцігодзьдзі. Таму бяз гэтай пэрспэктывы незалежнай сувэрэннай Рэспубліцы Беларусь немагчыма быць”.
Гарадзенскі эколяг Ніна Палуцкая рэгулярна бывае на Астравеччыне, дзе ажыцьцяўляе свой экалягічны праект. Яе меркаваньне:
Палуцкая: “Усе гавораць: навошта нам патрэбна АЭС? Каб мець энэргію, у нас яе не хапае. Але для чаго нам патрэбна энэргія насамрэч? Я падазраю, што — для бізнэсу. Энэргетычнае ведамства дало на пачатку году справаздачу: пачаліся сталыя пастаўкі электраэнэргіі зь Беларусі ў Польшчу і Нямеччыну”.
У дыскусіі ўзяў удзел дэмакратычны актывіст Іван Крук з Астраўца, які расказаў, як цяжка зьбіраць подпісы супраць будаўніцтва АЭС, бо людзі баяцца. Распавёў ён і пра сваю размову з прафэсарам Бандажэўскім у Вільні наконт будучай астравецкай станцыі.
Удзельнікі дыскусіі зазначалі, што беларускія ўлады парушаюць Орхускую канвэнцыю. Паводле яе грамадзкасьць павінна мець доступ да рашэньня пытаньняў такога кшталту, як будаўніцтва атамнай электрастанцыі.
Распачаў дыскусію кіраўнік прэс-клюбу, журналіст Мікола Маркевіч. Ён зьвярнуў увагу на падставовыя моманты:
“Першае, самае галоўнае пытаньне: ці патрэбны нам гэты атам?
Першае, самае галоўнае пытаньне: ці патрэбны нам гэты атам?
Сярод удзельнікаў дыскусіі знайшоўся толькі адзін прыхільнік будаўніцтва АЭС. Гэта навуковец, выкладчык Гарадзенскага ўнівэрсытэту Валянцін Лучко.
Мікола Маркевіч пацікавіўся ў яго:
“Ці можна назваць некалькі пунктаў: навошта нам, беларусам, патрэбна АЭС?”
Лучко: “Навошта нам патрэбна атамная электрастанцыя? Гэта — дывэрсыфікацыя паставак энэрганосьбітаў. Мы бачым, як выкручваюць рукі суседняй братняй Украіне, як палохаюць.
Я б не хацеў, каб мы былі запалоханым народам яшчэ не адзін дзясятак гадоў.
Гарадзенскі эколяг Ніна Палуцкая рэгулярна бывае на Астравеччыне, дзе ажыцьцяўляе свой экалягічны праект. Яе меркаваньне:
Палуцкая: “Усе гавораць: навошта нам патрэбна АЭС? Каб мець энэргію, у нас яе не хапае. Але для чаго нам патрэбна энэргія насамрэч? Я падазраю, што — для бізнэсу. Энэргетычнае ведамства дало на пачатку году справаздачу: пачаліся сталыя пастаўкі электраэнэргіі зь Беларусі ў Польшчу і Нямеччыну”.
У дыскусіі ўзяў удзел дэмакратычны актывіст Іван Крук з Астраўца, які расказаў, як цяжка зьбіраць подпісы супраць будаўніцтва АЭС, бо людзі баяцца. Распавёў ён і пра сваю размову з прафэсарам Бандажэўскім у Вільні наконт будучай астравецкай станцыі.
Удзельнікі дыскусіі зазначалі, што беларускія ўлады парушаюць Орхускую канвэнцыю. Паводле яе грамадзкасьць павінна мець доступ да рашэньня пытаньняў такога кшталту, як будаўніцтва атамнай электрастанцыі.