Учора амэрыканскі Сэнат адхіліў зацьверджаны Палатай прадстаўнікоў законапраект, які прапанаваў выдзяліць тром найбуйнейшым прадуцэнтам аўтамабіляў у ЗША — General Motors, Chrysler, Ford — дапамогу ў памеры 14 мільярдаў даляраў.
Джэйсан Стэйн, выдавец спэцыялізаванага часопісу “Automotive News Europe” у Мюнхэне, сказаў нашаму радыё, што гэтaы крок выкліча сур’ёзныя наступствы ў сусьветнай аўтамабільнай індустрыі.
Адхіленьне пакету дапамогі амэрыканскім аўтамабільным карпарацыям выклікала хуткую рэакцыю на сусьветных фінансавых рынках. Сёньня, напрыклад, індэкс фондавага рынку ў Токіё ўпаў на шэсьць адсоткаў.
Джэйсан Стэйн кажа, што наступствы гэтага кроку адчуюць і прадуцэнты аўтамабіляў у Эўропе:
“Я думаю, што аўтамабільная індустрыя на сьвеце ўжо сур’ёзна церпіць, перш за ўсё таму, што сьвет стаў адным агульным эканамічным рынкам і адным агульным аўтамабільным рынкам. Беручы пад увагу сувязі вытворцаў аўтамабіляў з іхнымі пастаўшчыкамі, сытуацыя нагадвае фінансавы картачны дамок, і ў большасьці выпадкаў тое, што дзеецца ў Амэрыцы, імгненна адгукаецца ў сьвеце”.
Стэйн зьвяртае ўвагу, што найбольшы вытворца аўтамашын у Расеі, група ГАЗ, ужо абмежавала прадукцыю ў Тальяці, дзе яна прадукуе мадэль на ліцэнзіі Крайсьлера.
Аднак Стэйн спадзяецца, што амэрыканскі ўрад не пакіне сваіх найбольшых вытворцаў аўтамашын у бядзе і ўсё ж знойдзе спосаб, каб дапамагчы ім нейкімі грашмі з тых, якія амэрыканскі Кангрэс зацьвердзіў раней як дапамогу фінансаваму рынку ў краіне:
“У рэшце рэшт яны атрымаюць грошы, якіх патрабуюць. Ведаеце, як ужо нехта сказаў раней, яны завялікія, каб збанкрутаваць. Я думаю, што непрызнаньне дапамогі Сэнатам схіліць прэзыдэнта Буша да ўмяшаньня і ін’екцыі нейкай сумы зь 700 мільярдаў даляраў, зацьверджаных Кангрэсам. Гэта, верагодна, той шлях, па якім яны пойдуць”.
Адхіленьне пакету дапамогі амэрыканскім аўтамабільным карпарацыям выклікала хуткую рэакцыю на сусьветных фінансавых рынках. Сёньня, напрыклад, індэкс фондавага рынку ў Токіё ўпаў на шэсьць адсоткаў.
Джэйсан Стэйн кажа, што наступствы гэтага кроку адчуюць і прадуцэнты аўтамабіляў у Эўропе:
“Я думаю, што аўтамабільная індустрыя на сьвеце ўжо сур’ёзна церпіць, перш за ўсё таму, што сьвет стаў адным агульным эканамічным рынкам і адным агульным аўтамабільным рынкам. Беручы пад увагу сувязі вытворцаў аўтамабіляў з іхнымі пастаўшчыкамі, сытуацыя нагадвае фінансавы картачны дамок, і ў большасьці выпадкаў тое, што дзеецца ў Амэрыцы, імгненна адгукаецца ў сьвеце”.
Стэйн зьвяртае ўвагу, што найбольшы вытворца аўтамашын у Расеі, група ГАЗ, ужо абмежавала прадукцыю ў Тальяці, дзе яна прадукуе мадэль на ліцэнзіі Крайсьлера.
Аднак Стэйн спадзяецца, што амэрыканскі ўрад не пакіне сваіх найбольшых вытворцаў аўтамашын у бядзе і ўсё ж знойдзе спосаб, каб дапамагчы ім нейкімі грашмі з тых, якія амэрыканскі Кангрэс зацьвердзіў раней як дапамогу фінансаваму рынку ў краіне:
“У рэшце рэшт яны атрымаюць грошы, якіх патрабуюць. Ведаеце, як ужо нехта сказаў раней, яны завялікія, каб збанкрутаваць. Я думаю, што непрызнаньне дапамогі Сэнатам схіліць прэзыдэнта Буша да ўмяшаньня і ін’екцыі нейкай сумы зь 700 мільярдаў даляраў, зацьверджаных Кангрэсам. Гэта, верагодна, той шлях, па якім яны пойдуць”.