Актывісты Моладзі БНФ правялі на Камароўскім рынку ў Менску акцыю падтрымкі спадарожнікавага тэлеканалу “БелСат”.
Каля дзясятка сяброў Партыі БНФ раздавалі прадаўцам і пакупнікам пакеты зь лягатыпам “БелСат” і зьвесткамі пра тое, як на яго настроіцца.
Франак Вячорка апавёў “Свабодзе”, што маладыя людзі раздалі больш за дзьве з паловай тысячы пакетаў. Яго ўразіла, што шмат людзей ведаюць пра тэлевізійны канал са сродкаў масавай інфармацыі.
“Гэта добры крок у справе прасоўваньня незалежных мэдыяў у беларускім грамадзтве”, — так ацаніў акцыю Франак Вячорка.
Калі ахоўнікі рынку паспрабавалі выдаліць распаўсюднікаў зь яго тэрыторыі, то людзі сталі вакол маладых людзей і не прапусьцілі ахову.