Падзеі 20 траўня ў беларускай і сусьветнай гісторыі, а таксама афіша на сёньня.
Афіша. «Сьпеўны сход» на Ноч музэяў
Праект «Сьпеўны сход», на якім можа засьпяваць кожны чалавек, у 2014 годзе распачалі музыкі Аляксей Чубат і Сяргей Доўгушаў. У «Ноч музэяў» музыкі запрашаюць далучыцца да іх у трох музэях Менску.
- Палескі сьпеўны сход з гуртом «Кудмень» — Дом Ваньковічаў (Інтэрнацыянальная вуліца, 33а). Пачатак у 20:00.
- Сьпеўны сход з праграмай «Народны альбом» — Музэй гісторыі тэатральнай і музычнай культуры (Музычны завулак, 5). Пачатак у 21:00.
- Барадулінскі сьпеўны сход з гуртом Harmonic style project — Музэй гісторыі беларускай літаратуры (вуліца Багдановіча, 13). Пачатак у 21:30.
Дата дня
20 траўня 1954 году ў Мюнхэне пачала вяшчаньне беларуская сэкцыя Радыё Вызваленьне (цяпер беларуская служба Радыё Свабода). Першую беларускамоўную перадачу падрыхтавалі Вінцэнт Жук-Грышкевіч, Пятро Сыч, Сымон Кандыбовіч, Янка Ліманоўскі, Лявон Карась.
Таксама ў гэты дзень
1962 — пачаў курсаваць гомельскі тралейбус.
1977 — адбыўся першы палёт шматфункцыянальнага зьнішчальніка «Су-27».
1983 — упершыню была апублікавана інфармацыя пра вірус імунадэфіцыту чалавека. Артыкул у часопісе Science падрыхтавалі Робэрт Гало і Люк Мантанье.
2002 — Усходні Тымор здабыў незалежнасьць ад Інданэзіі
У гэты дзень нарадзіліся
1923 — Васіль Ракашэвіч, удзельнік антысавецкага падпольля.
1944 — Джо Кокер, ангельскі сьпявак.
1946 — Шэр, амэрыканская акторка і сьпявачка.
1962 — Аляксандар Дзядзюшка, беларускі і расейскі актор тэатру і кіно.
У памяці
1506 — памёр Хрыстафор Калюмб, першаадкрывальнік Амэрыкі.
1918 — памёр ад сухотаў беларускі пісьменьнік, перакладчык, мастак і палітык Карусь Каганец.
2009 — памёр Алег Янкоўскі, савецкі і расейскі актор тэатру і кіно, рэжысэр.