Лінкі ўнівэрсальнага доступу

Ужо сёньня: 105 гадоў таму затануў лайнэр «Тытанік»


Гібель «Тытанік». Ілюстрацыя ©Shutterstock

Падзеі 14 красавіка ў беларускай і сусьветнай гісторыі, а таксама афіша на сёньня.

Афіша

Канцэрт гурту «Лепшы квас»

Малады гурт «Лепшы квас» паставіў перад сабой мэту — за два месяцы павялічыць аўдыторыю прыхільнікаў у 4 разы. На сёньняшнім канцэрце музыкі плянуюць сабраць поўную залю — 200 чалавек.

Менск, клюб «ІЛІ» (пр. Незалежнасьці, 131, корпус 1).
Пачатак а 19-й гадзіне.
Квіткі каштуюць 12 рублёў.

Дата дня

У ноч з 14 на 15 красавіка 1912 году брытанскі пасажырскі карабель «Тытанік» сутыкнуўся з айсбэргам і патануў.

Рэшткі патанулага «Тытаніка»
Рэшткі патанулага «Тытаніка»

Таксама ў гэты дзень

1894 — Менская губэрнская ўправа дае дазвол графу Карлу Чапскаму збудаваць каменны бровар на менскіх вуліцах Аляксандраўскай і Рыгораўскай. Так пачалася гісторыя заводу «Аліварыя».

1943 — у Савецкім Саюзе загадам Сталіна створана адмысловая армейская контравыведка «Сьмерць шпіёнам» — скарочана «Сьмерш».

1956 — ангельскія вынаходнікі прадэманстравалі, як дзейнічае відэамагнітафон.

1978 — Вярхоўны Савет БССР прыняў «брэжнеўскую» Канстытуцыю Беларусі, апошнюю ў савецкай Беларусі (дзейнічала да 1994 году).

1988 — у Варшаве заснавалі Беларускае аб’яднаньне студэнтаў.

2011 — Рада бясьпекі ААН асудзіла тэракт у менскім мэтро, які здарыўся 11 красавіка. У Менску пахавалі першых 8 ахвяраў тэракту.

2012 — зь Віцебскай калёніі вызвалены былы кандыдат у прэзыдэнты, палітвязень Андрэй Саньнікаў.

У гэты дзень нарадзіліся

1835 — Валяр’ян Вільчэўскі, лекар, удзельнік паўстаньня 1863–1864 гадоў.

1859 — Людвік Замэнгоф, лекар родам зь Беластоку, які прыдумаў мову эспэранта.

Людвіг Заменгоф
Людвіг Заменгоф

1880 — Язэп Дыла, грамадзкі дзеяч і пісьменьнік.

1885 — Сымон Рак-Міхайлоўскі, грамадзка-палітычны дзеяч, сябра Рады Беларускай Народнай Рэспублікі, публіцыст, заснавальнік і дырэктар настаўніцкай сэмінарыі ў Барунах (1920–1922).

Сымон Рак-Міхайлоўскі
Сымон Рак-Міхайлоўскі

1920 — Аляксей Карпюк, пісьменьнік і грамадзкі дзяяч.

Аляксей Карпюк (за трыбунай)
Аляксей Карпюк (за трыбунай)

У памяці

1707 — памёр Тодар Абуховіч, дзяржаўны і вайсковы дзяяч Вялікага Княства Літоўскага, мэмуарыст.

2003 — памерла Зора Кіпель, літаратуразнаўца і грамадзка-культурная дзяячка эміграцыі ў ЗША.

XS
SM
MD
LG