На поўначы Індыі раніцай 20 лістапада сышоў з рэек пасажырскі цягнік. Па апошніх дадзеных, у выніку загінуў па меншай меры 96 чалавек, паведамляе The Times of India.
76 чалавек знаходзяцца ў цяжкім стане, яшчэ 150 чалавек атрымалі лёгкія пашкоджаньні.
Пошукава-выратавальныя работы на месцы здарэньня працягваюцца. Для знаходжаньня пацярпелых з цягніка ратавальнікі выкарыстоўваюць спецтэхніку.
Крушэньне адбылося ноччу каля горада Пухрайан у штаце Утар-Прадэш, у 100 кілямэтрах ад буйнога горада Канпур. З рэек сышлі 14 вагонаў.
Большасьць пацярпелых знаходзіліся ў першых двух вагонах.
Паводле непацьверджаных зьвестак, у якасьці магчымай прычыны катастрофы разглядаецца кепскі стан чыгуначных каляінаў.