“Што я мужык усе тут знаюць,
І як ёсьць гэты сьвет вялік,
Зь мяне сьмяюцца, пагарджаюць,
Бо я мужык, дурны мужык…
Але хоць колькі жыць тут буду,
Як будзе век мой тут вялік,
Ніколі, браткі, не забуду,
Што чалавек я, хоць мужык.
І кожны, хто мяне спытае,
Пачуе толькі адзін крык,
Што хоць мной кожны пагарджае,—
Я буду жыць! — бо я мужык!”
“Калгасьнік Беларусі”, 1935 год:
“6 чэрвеня г.г. спартыўная каманда менскай цукерачнай фабрыкі “Комунарка”, у складзе 6 асоб, вышла пехатою ў Маскву… Рабочыя-фізкультурнікі нясуць старым большэвікам Беларусі запрашальныя білеты ад фабрыкі на ўрачыстае ўсенароднае свята — дзень вызвалення Беларусі ад белапалякаў і ўручэння ордэна Леніна Беларускай соцыялістычнай рэспубліцы… Ні адзін з фізкультурнікаў — удзельнікаў падарожжа — не скардзіцца на стомленасць, на дажджы, пякучае ў часе поўдня сонца. Яны ідуць вясёлыя і бадзёрыя. Ідуць у вялікую Маскву, каб запрасіць старых большэвікоў да сябе ў госці, каб расказаць ім аб сваім жыцці, аб дасягненнях нашай ордэнаноснай рэспублікі”.
“Рэспубліка”, 1995 год. Палажэньне аб Дзяржаўным сьцягу Рэспублікі Беларусі:
“4. Дзяржаўны сьцяг Рэспублікі Беларусі ўстанаўліваецца ў памяшканьнях паседжаньняў Вярхоўнага Савету Рэспублікі Беларусь, Прэзыдыюму Вярхоўнага Савету Рэспублікі Беларусь, Кабінэту міністраў Рэспублікі Беларусь, мясцовых Саветаў дэпутатаў, мясцовых выканаўчых і распарадчых органаў, а таксама ў службовых кабінэтах Прэзыдэнта Рэспублікі Беларусь, Старшыні Вярхоўнага Савету Рэспублікі Беларусь, прэм’ер-міністра Рэспублікі Беларусь і пакоях, у якіх дэпутаты Рэспублікі Беларусь пастаянна прымаюць выбарцаў… 9. Асобы, вінаватыя ў абразе Дзяржаўнага сьцягу Рэспублікі Беларусь, нясуць адказнасьць у адпаведнасьці з заканадаўствам Рэспублікі Беларусь”.
Падрыхтаваў Зьміцер Падбярэскі
“Калгасьнік Беларусі”, 1935 год:
“6 чэрвеня г.г. спартыўная каманда менскай цукерачнай фабрыкі “Комунарка”, у складзе 6 асоб, вышла пехатою ў Маскву… Рабочыя-фізкультурнікі нясуць старым большэвікам Беларусі запрашальныя білеты ад фабрыкі на ўрачыстае ўсенароднае свята — дзень вызвалення Беларусі ад белапалякаў і ўручэння ордэна Леніна Беларускай соцыялістычнай рэспубліцы… Ні адзін з фізкультурнікаў — удзельнікаў падарожжа — не скардзіцца на стомленасць, на дажджы, пякучае ў часе поўдня сонца. Яны ідуць вясёлыя і бадзёрыя. Ідуць у вялікую Маскву, каб запрасіць старых большэвікоў да сябе ў госці, каб расказаць ім аб сваім жыцці, аб дасягненнях нашай ордэнаноснай рэспублікі”.
“Рэспубліка”, 1995 год. Палажэньне аб Дзяржаўным сьцягу Рэспублікі Беларусі:
“4. Дзяржаўны сьцяг Рэспублікі Беларусі ўстанаўліваецца ў памяшканьнях паседжаньняў Вярхоўнага Савету Рэспублікі Беларусь, Прэзыдыюму Вярхоўнага Савету Рэспублікі Беларусь, Кабінэту міністраў Рэспублікі Беларусь, мясцовых Саветаў дэпутатаў, мясцовых выканаўчых і распарадчых органаў, а таксама ў службовых кабінэтах Прэзыдэнта Рэспублікі Беларусь, Старшыні Вярхоўнага Савету Рэспублікі Беларусь, прэм’ер-міністра Рэспублікі Беларусь і пакоях, у якіх дэпутаты Рэспублікі Беларусь пастаянна прымаюць выбарцаў… 9. Асобы, вінаватыя ў абразе Дзяржаўнага сьцягу Рэспублікі Беларусь, нясуць адказнасьць у адпаведнасьці з заканадаўствам Рэспублікі Беларусь”.
Падрыхтаваў Зьміцер Падбярэскі
