Прамову прадстаўніка пракуратуры Вадзіма Пазьняка, які папрасіў пакараць Міколу Статкевіча і Паўла Севярынца абмежаваньнем волі на тры гады, Мікола Статкевіч не пачуў. Яго, як і штодня ад пачатку арышту, прывезьлі ў суд а 10 гадзіне. Ён зноў адмовіўся ўстаць перад судзьдзём Леанідам Ясіновічам, і амонаўцы зноў вывелі яго з судовай залі.
Мікола Статкевіч заявіў Радыё Свабода, што будзе і надалей трымаць галадоўку.
(Статкевіч: ) “Безумоўна, цяпер у мяне пытаюцца адно і тое ж. Але пакуль у Беларусі ня зьявіцца незалежнага суду, мая пазыцыя таксама не зьменіцца. Я працягваю галадоўку, і я галадоўкі спыняць ня буду. Я сваёй пазыцыі не мяняю. Адзінае, чаго мне ўдалося дамагчыся: хворага на дызэнтэрыю чалавека, які знаходзіўся ў маёй камэры, адправілі ў шпіталь. Я сваёй пазыцыі не мяняю. Калі мне судзьдзя скажа, што ў гэтай краіне зьявіўся незалежны суд, то я спыню галадоўку. Але гэта нерэальна”.
Павал Севярынец спакойна ўспрыняў прамову прадстаўніка пракуратуры. Тры гады “хіміі” ня сталі для Паўла нечаканасьцю. Вось як ён пракамэнтаваў гэта Радыё Свабода:
(Севярынец: ) “Тры гады “хіміі”, гэта адначасова і спроба прынізіць, і спроба нэўтралізаваць перад прэзыдэнцкімі выбарамі 2006 году як Статкевіча, так і мяне. Але стаўлюся да гэтага спакойна. Турбуе мяне суд Божы, а не чалавечы. Тым больш ня суд гэтай улады. Таму, які б прысуд ні быў, захаваем маральную гатоўнасьць да ўсіх магчымых складанасьцяў, з гэтым зьвязаных. Але ж хацеў бы зазначыць: падчас судовага разгляду гэтай справы стала відавочна, што крымінальная справа развальваецца. Пракурор пачаў адмаўляцца ад кавалкаў абвінавачаньня, казаць: “Ну, ня цяжкае злачынства. Цяжка патрабаваць зьняволеньня”. Па ўсіх яго паводзінах было відаць, што ён шкадуе аб тым, што не ўдалося знайсьці крыміналу ў гэтай справе”.
Павал Севярынец паведаміў Радыё Свабода, што будзе абскарджваць прысуд, які б ён ні быў. Ён запэўніў, што справа дойдзе да міжнародных структураў.
Агалошваньне прысуду адбудзецца 31 траўня. Калі судзьдзя пакарае апазыцыйных палітыкаў так, як папрасіў пракурор, то Мікола Статкевіч і Павал Севярынец на так званай “хіміі” правядуць каля аднаго году. Крымінальную справу супраць іх распачалі да ўвядзеньня амністыі. Таму тэрмін абмежаваньня волі будзе скарочаны.
Мікола Статкевіч заявіў Радыё Свабода, што будзе і надалей трымаць галадоўку.
(Статкевіч: ) “Безумоўна, цяпер у мяне пытаюцца адно і тое ж. Але пакуль у Беларусі ня зьявіцца незалежнага суду, мая пазыцыя таксама не зьменіцца. Я працягваю галадоўку, і я галадоўкі спыняць ня буду. Я сваёй пазыцыі не мяняю. Адзінае, чаго мне ўдалося дамагчыся: хворага на дызэнтэрыю чалавека, які знаходзіўся ў маёй камэры, адправілі ў шпіталь. Я сваёй пазыцыі не мяняю. Калі мне судзьдзя скажа, што ў гэтай краіне зьявіўся незалежны суд, то я спыню галадоўку. Але гэта нерэальна”.
Павал Севярынец спакойна ўспрыняў прамову прадстаўніка пракуратуры. Тры гады “хіміі” ня сталі для Паўла нечаканасьцю. Вось як ён пракамэнтаваў гэта Радыё Свабода:
(Севярынец: ) “Тры гады “хіміі”, гэта адначасова і спроба прынізіць, і спроба нэўтралізаваць перад прэзыдэнцкімі выбарамі 2006 году як Статкевіча, так і мяне. Але стаўлюся да гэтага спакойна. Турбуе мяне суд Божы, а не чалавечы. Тым больш ня суд гэтай улады. Таму, які б прысуд ні быў, захаваем маральную гатоўнасьць да ўсіх магчымых складанасьцяў, з гэтым зьвязаных. Але ж хацеў бы зазначыць: падчас судовага разгляду гэтай справы стала відавочна, што крымінальная справа развальваецца. Пракурор пачаў адмаўляцца ад кавалкаў абвінавачаньня, казаць: “Ну, ня цяжкае злачынства. Цяжка патрабаваць зьняволеньня”. Па ўсіх яго паводзінах было відаць, што ён шкадуе аб тым, што не ўдалося знайсьці крыміналу ў гэтай справе”.
Павал Севярынец паведаміў Радыё Свабода, што будзе абскарджваць прысуд, які б ён ні быў. Ён запэўніў, што справа дойдзе да міжнародных структураў.
Агалошваньне прысуду адбудзецца 31 траўня. Калі судзьдзя пакарае апазыцыйных палітыкаў так, як папрасіў пракурор, то Мікола Статкевіч і Павал Севярынец на так званай “хіміі” правядуць каля аднаго году. Крымінальную справу супраць іх распачалі да ўвядзеньня амністыі. Таму тэрмін абмежаваньня волі будзе скарочаны.
