Былы кіраўнік дэпутацкай групы “Рэспубліка” у Палаце прадстаўнікоў Нацыянальнага сходу Сяргей Скрабец абвінавачаны паводле двух артыкулаў Крымінальнага кодэксу. Гэта сёньня пацьвердзіў адвакат Сяргея Скрабца Міхаіл Хоміч.
(Хоміч: ) “Сёньня прад’явілі яму абвінавачаньне паводле шэрагу артыкулаў, якія зьвязаныя зь вядомымі падзеямі, якія яму прад’яўляюцца. Між тым, ён працягвае галадаваньне. Самаадчуваньне здавальняючае, але ў нашых плянах – хадайнічаньне аб мерах зьняволеньня…”
Сяргей Скрабец быў арыштаваны 15 траўня і цяпер працягвае галадоўку пратэсту ў сьледчым ізалятары ў Берасьці.
Паводле сьледзтва, прадпрымальнік і былы дэпутат Палаты прадстаўнікоў быццам прапанаваў хабар беспрацоўнаму жыхару Берасьця, каб той паспрыяў у камэрцыйнай зьдзецы прадпрыемства Скрабца. Нядаўна гэтага берасьцейскага фігуранта ў справе асудзілі на значны тэрмін зьняволеньня, і адвакат Сяргея Скрабца Міхаіл Хоміч не выключае, што Скрабца паспрабуюць “далучыць” да чыстага крыміналу.
(Хоміч: ) "Фігурант у гэтай справе, нехта Грыб, як вядома, атрымаў 24 гады зьняволеньня. Абарона Сяргея Скрабаца гаворыць, што ў такім кантэксьце такая гісторыя ўвогуле па-за ўсялякімі межамі. Сяргей сам гэтаму дае адпаведную ацэнку, бо зараз пачнуць шукаць сувязь з гэтай справай, пад якую трапіў Сяргей Скрабец. Але сьледзтва пакуль цягнецца, яно ня скончанае. Як хутка можа скончыцца? Прынамсі, “цягнуць гуму” ніхто намеру ня мае".
Я пацікавіўся, ці пакінула сьледзтва ў сіле ўсе ранейшыя падазрэньні на адрас Сяргея Скрабца – перадусім, абвінавачаньне ў хабарніцтве?
(Хоміч: ) “Так, усё гэта фігуруе. Але ўвогуле ўсё гэта нашмат больш складана, чым на першы погляд. І Сяргей па-ранейшаму перакананы ў тым, што гэта акцыя палітычная…”
(Хоміч: ) “Сёньня прад’явілі яму абвінавачаньне паводле шэрагу артыкулаў, якія зьвязаныя зь вядомымі падзеямі, якія яму прад’яўляюцца. Між тым, ён працягвае галадаваньне. Самаадчуваньне здавальняючае, але ў нашых плянах – хадайнічаньне аб мерах зьняволеньня…”
Сяргей Скрабец быў арыштаваны 15 траўня і цяпер працягвае галадоўку пратэсту ў сьледчым ізалятары ў Берасьці.
Паводле сьледзтва, прадпрымальнік і былы дэпутат Палаты прадстаўнікоў быццам прапанаваў хабар беспрацоўнаму жыхару Берасьця, каб той паспрыяў у камэрцыйнай зьдзецы прадпрыемства Скрабца. Нядаўна гэтага берасьцейскага фігуранта ў справе асудзілі на значны тэрмін зьняволеньня, і адвакат Сяргея Скрабца Міхаіл Хоміч не выключае, што Скрабца паспрабуюць “далучыць” да чыстага крыміналу.
(Хоміч: ) "Фігурант у гэтай справе, нехта Грыб, як вядома, атрымаў 24 гады зьняволеньня. Абарона Сяргея Скрабаца гаворыць, што ў такім кантэксьце такая гісторыя ўвогуле па-за ўсялякімі межамі. Сяргей сам гэтаму дае адпаведную ацэнку, бо зараз пачнуць шукаць сувязь з гэтай справай, пад якую трапіў Сяргей Скрабец. Але сьледзтва пакуль цягнецца, яно ня скончанае. Як хутка можа скончыцца? Прынамсі, “цягнуць гуму” ніхто намеру ня мае".
Я пацікавіўся, ці пакінула сьледзтва ў сіле ўсе ранейшыя падазрэньні на адрас Сяргея Скрабца – перадусім, абвінавачаньне ў хабарніцтве?
(Хоміч: ) “Так, усё гэта фігуруе. Але ўвогуле ўсё гэта нашмат больш складана, чым на першы погляд. І Сяргей па-ранейшаму перакананы ў тым, што гэта акцыя палітычная…”
