ТЭГЕРАН. Рэфармісты ў Іране заклікалі да байкоту прэзыдэнцкіх выбараў. Рэфармісты выступілі з гэтым заклікам пасьля таго, як з тысячы кандыдатаў на пасаду прэзыдэнта Рада вартавых ісламскай рэвалюцыі ухваліла толькі шэсьць. Сярод тых, каму адмовілі ў рэгістрацыі, апынуўся й адзін зь лідэраў асноўнай рэфармісцкай партыі Ірану Мустафа Муін. Лідэры партыі лічаць, што рэлігійныя кансэрватары фактычна адмаўляюцца ад правядзеньня сапраўдных выбараў.