“Комсомольская правда в Беларуси” прыводзіць вытрымкі з закону (які лічыцца вышэйшым за прэзыдэнцкі ўказ), паводле якога ў Аляксандра Лукашэнкі няма права мяняць назвы вуліцаў. “Прэзыдэнт надае назвы (пераймяноўвае) вобласьці, раёны, гарады абласнога падпарадкаваньня, іх раёны, а таксама раёны Менску”, —– гаворыцца ў артыкуле 8 закону. А ў артыкуле 15 гаворыцца, што “найменаваньне і перайменаваньне праспэктаў, вуліцаў, плошчаў і іншых складовых частак населеных пунктаў праводзіцца адпаведным мясцовым саветам дэпутатаў з улікам думкі насельніцтва гэтай тэрыторыі”.
Як вядома, Алякандар Лукашэнка вырашыў перайменаваць праспэкты Скарыны і Машэрава, а таксама вуліцы Варвашэні, Ерусалімскую, Дразда і Старабарысаўскі тракт сваім указам. Адпаведнага рашэньня Менскага гарсавету і апытаньня думкі насельніцтва ў гэтай справе не было.
Я папрасіў пракамэнтаваць гэтую калізію начальніцу юрыдычнага аддзелу Менскага гарвыканкаму Ірыну Усаву, але яна фактычна нічога не змагла сказаць у гэтай справе:
(Усава: ) “Я толькі выйшла з адпачынку і не магу яшчэ нічога патлумачыць. Абсалютна ніякіх камэнтароў вам не магу даць пакуль. Я не магу прааналізаваць паўнамоцтвы прэзыдэнта. Гэта ў нашую кампэтэнцыю не ўваходзіць”.
Я спрабаваў запытацца пра гэту супярэчнасьць у намесьніцы кіраўніка адміністрацыі прэзыдэнта Натальлі Пяткевіч, але яна ад камэнтара адмовілася.
А вось меркаваньне былога судзьдзі Канстытуцыйнага суду, заслужанага юрыста Беларусі Міхаіла Пастухова:
(Пастухова: ) “Фактычна закон вышэйшы за ўказ. Трэба было выконваць закон. І самае галоўнае, што тут не было ніякіх рашэньняў ці Менгарсавету, ці патрабаваньняў грамадзкасьці. Рашэньне было прынята ў абыход інтарэсаў грамадзкасьці. Ніхто не пытаў, як жыхары Менску паставяцца да гэтага. Такія пытаньні аб перайменаваньні павінны вырашацца безумоўна з улікам інтарэсаў грамадзкасьці”.
А Партыя БНФ з гэтай нагоды вырашыла зьвярнуцца ў Канстытуцыйны суд каб ён даў ацэнку адпаведнасьці ўказу Аляксандра Лукашэнкі аб перайменаваньні вуліцаў нормам Асноўнага закону.
Як вядома, Алякандар Лукашэнка вырашыў перайменаваць праспэкты Скарыны і Машэрава, а таксама вуліцы Варвашэні, Ерусалімскую, Дразда і Старабарысаўскі тракт сваім указам. Адпаведнага рашэньня Менскага гарсавету і апытаньня думкі насельніцтва ў гэтай справе не было.
Я папрасіў пракамэнтаваць гэтую калізію начальніцу юрыдычнага аддзелу Менскага гарвыканкаму Ірыну Усаву, але яна фактычна нічога не змагла сказаць у гэтай справе:
(Усава: ) “Я толькі выйшла з адпачынку і не магу яшчэ нічога патлумачыць. Абсалютна ніякіх камэнтароў вам не магу даць пакуль. Я не магу прааналізаваць паўнамоцтвы прэзыдэнта. Гэта ў нашую кампэтэнцыю не ўваходзіць”.
Я спрабаваў запытацца пра гэту супярэчнасьць у намесьніцы кіраўніка адміністрацыі прэзыдэнта Натальлі Пяткевіч, але яна ад камэнтара адмовілася.
А вось меркаваньне былога судзьдзі Канстытуцыйнага суду, заслужанага юрыста Беларусі Міхаіла Пастухова:
(Пастухова: ) “Фактычна закон вышэйшы за ўказ. Трэба было выконваць закон. І самае галоўнае, што тут не было ніякіх рашэньняў ці Менгарсавету, ці патрабаваньняў грамадзкасьці. Рашэньне было прынята ў абыход інтарэсаў грамадзкасьці. Ніхто не пытаў, як жыхары Менску паставяцца да гэтага. Такія пытаньні аб перайменаваньні павінны вырашацца безумоўна з улікам інтарэсаў грамадзкасьці”.
А Партыя БНФ з гэтай нагоды вырашыла зьвярнуцца ў Канстытуцыйны суд каб ён даў ацэнку адпаведнасьці ўказу Аляксандра Лукашэнкі аб перайменаваньні вуліцаў нормам Асноўнага закону.
