ВАШЫНГТОН. Амэрыканскія экспэрты не знайшлі ў Іраку зброі масавага зьнішчэньня. Пошукі завершаныя. Кіраўнік адмысловай амэрыканскай місіі Чарльз Дулфер заявіў у выніковым дакладзе, што за 18 месяцаў пошукаў было зробленае ўсё магчымае. Таксама ён выказаўся за вызваленьне іракцаў, затрыманых у часе расьследаваньня. Меркаванай наяўнасьцю ў рэжыму Садама Хусэйна зброі масавага зьнішчэньня перадусім ЗША і іх саюзьнікі тлумачылі пачатак апэрацыі ў Іраку.