Штат Флорыда, ЗША
Сёньня памерла амэрыканка Тэры Шайва, якая знаходзілася ў коме апошнія 15 гадоў. Яна была адключаная ад апарату штучнага харчаваньня 13 дзён таму паводле рашэньня суду штату Флорыда. Напярэдадні Вярхоўны Суд адхіліў хадайніцтва бацькоў Тэры аб захаваньні яе жыцьця. Раней суд Флорыды задаволіў просьбу мужа Шайвы аб адключэньні яе ад апаратуры штучнага забесьпячэньня жыцьця.