Суд у горадзе Торунь пастанавіў, што вырак суду Польскай народнай рэспублікі ў 1983 годзе, паводле якога Ганна Валентыновіч атрымала год і тры месяцы турэмнага зьняволеньня, быў несправядлівы і зруйнаваў яе здароўе і дабрабыт.
“Як вынікае са словаў спадарыні Валентыновіч, яна мела глыбокае пачуцьцё крыўды, бо заўсёды змагалася за справядлівасьць і дабро для іншых”, – адзначыў суд.
Легендарная апазыцыянэрка дамагалася ад дзяржавы кампэнсацыі ў памеры 40 тысячаў даляраў, за рэпрэсіі і перасьлед з боку камуністычных спэцлужбаў, а таксама турэмнае зьняволеньне – суд, аднак, вырашыў, што кампэнсаваць можна толькі апошняе.
Ганна Валентыновіч была актывісткай Свабодных прафсаюзаў, за што за 5 месяцаў да выхаду на пэнсію была звольненая з суднавэрфі ў Гданьску. Яе аднаўленьня ў працы запатрабавалі рабочыя вэрфі – гэта быў першы пункт патрабаваньняў удзельнікаў страйку, які распачаўся 14 жніўня 1980 году і стаўся пачаткам “Салідарнасьці”.
“Як вынікае са словаў спадарыні Валентыновіч, яна мела глыбокае пачуцьцё крыўды, бо заўсёды змагалася за справядлівасьць і дабро для іншых”, – адзначыў суд.
Легендарная апазыцыянэрка дамагалася ад дзяржавы кампэнсацыі ў памеры 40 тысячаў даляраў, за рэпрэсіі і перасьлед з боку камуністычных спэцлужбаў, а таксама турэмнае зьняволеньне – суд, аднак, вырашыў, што кампэнсаваць можна толькі апошняе.
Ганна Валентыновіч была актывісткай Свабодных прафсаюзаў, за што за 5 месяцаў да выхаду на пэнсію была звольненая з суднавэрфі ў Гданьску. Яе аднаўленьня ў працы запатрабавалі рабочыя вэрфі – гэта быў першы пункт патрабаваньняў удзельнікаў страйку, які распачаўся 14 жніўня 1980 году і стаўся пачаткам “Салідарнасьці”.