ВАШЫНГТОН. Джордж Буш заявіў, што ня выключае ваенных дзеяньняў супраць Ірану, калі б выявілася, што той таемна распрацоўвае атамную зброю. Аднак амэрыканскі прэзыдэнт заявіў, што праблему хутчэй можна вырашыць дыпляматычным шляхам. Іран адпрэчвае абвінавачаньні ў стварэньні ядзернай зброі. Камэнтар Буша паступіў пасьля публікацыі артыкула Сэймура Эрша, журналіста, які летась выявіў злоўжываньні ў турме Абу-Грайб. Эрш сьцьвярджае, што ЗША дасылае таемную ваенную місію ў Іран, каб тая выкрыла існаваньне таемнай ядзернай праграмы Ірану. Пэнтагон адпрэчвае закіды.