ЕРУСАЛІМ. Сёньня – апошні дзень кампаніі перад выбарамі прэзыдэнта Палестынскай аўтаноміі, якія маюць адбыцца 9 студзеня. Асноўны кандыдат Махмуд Абас усклаў сёньня вянок на магілу былога палестынскага лідэра Ясіра Арафата на Заходнім Беразе. Тым часам іншы кандыдат – Мустафа Баргуты – быў сёньня затрыманы пры спробе ўвайсьці ў мячэць Аль-Акса ў Ерусаліме. Паводле паліцыі, ён ня меў належнага дазволу.