РЫГА. Латвійскі ўрад пастанавіў выдаткаваць 100 тысяч латаў краінам, якія пацярпелі ад цунамі ў паўднёвай Азіі. Гэтая сума роўная 142 тысячам эўра.
Як і ў іншых краінах Эўразьвязу, у Латвіі у аўторак прайшла хвіліна маўчаньня з нагоды ахвяраў цунамі.
З 228 жыхароў Латвіі, якія знаходзіліся ў раёне цунамі, не вярнуліся трое. Але зьніклым лічыцца толькі адзін латыш, які жыў у Швэйцарыі. Уладам Латвіі не атрымалася знайсьці кантакты зь ягонымі сваякамі.