ГРОЗНЫ. Дэлегацыя з ААН прыбыла сёньня ў чачэнскую сталіцу, каб абмеркаваць праблемы забесьпячэньня гуманітарнай дапамогай разбураную вайной рэспубліку. Дэлегацыя сустрэлася з чачэнскім прэзыдэнтам Алу Алханавым. Прадстаўнікі ААН сказалі, што хочуць вывучыць сытуацыю, каб можна было перанесьці свой паўночнакаўкаскі гуманітарны офіс у Грозны. Рашэньне наконт гэтага было прынята раней, але з ім вырашылі пачакаць пасьля таго, як у Чачэніі адбылася хваля збройных нападаў.