ТАШКЕНТ. Тры тэрарысты-сьмяротнікі, якія летась зьдзейсьнілі шэраг тэрактаў у сталіцы Ўзбэкістана, былі грамадзянамі Казахстана. Пра гэта заявіла сёньня прадстаўніца ўзбэцкай пракуратуры Сьвятлана Артыкава. Сьмяротнікі падарвалі амэрыканскую і ізраільскую амбасаду, а таксама генэральную пракуратуру ў Ташкенце. У выбухах загінулі 4 чалавекі. Суўдзельнік злачынства хаваецца ў Казахстане. Узбэцкія ўлады патрабуюць ягонае выдачы.