БЕЛГРАД. Прэм’ер-міністар Сэрбіі Ваіслаў Каштуніца заявіў, што ягоны ўрад прыкладзе намаганьні ў пошуках 15-і падазраваных у ваенных злачынствах, якія, на думку экспэртаў, хаваюцца ў Сэрбіі. Аднак прытым прэм’ер Сэрбіі сьцьвердзіў, што арышт некаторых зь іх можа пагражаць стабільнасьці Сэрбіі. Трыбунал ААН у лістападзе павінен зрабіць даклад перад Радаю Бясьпекі ААН адносна супрацоўніцтва афіцыйнага Белграду з судом.