ПАРЫЖ. Дарадцы палестынскага прэзыдэнта Ясіра Арафата гавораць, што стан яго здароўя застаецца стабільным. У нядзелю ў францускім шпіталі Арафату рабілі аналізы, каб вызначыць, чым менавіта хварэе кіраўнік Палестынскай аўтаноміі, пакуль лекары гавораць пра нейкае захворваньне крыві. Прэзыдэнт Францыі Жак Шырак затэлефанаваў Ясіру Арафату, каб запытацца аб стане яго здароўся. Дарадцы Арафата гавораць, што ў яго няма лейкеміі, аднак, лекары пакуль гэтага не пацьвердзілі.