Тэль-Авіў. Партыя Лікуд, якую ўзначальвае прэм’ер-міністар Ізраілю Арыель Шарон, прагаласавала супраць ягонай прапановы ўлучыць у склад правячай кааліцыі апазыцыйную Партыю працы.
Шарон, які разьлічвае на падтрымку партыі працы ў вывадзе габрэйскіх паселішчаў з паласы Газа, заявіў, што вынікі галасаваньня не абавязковыя.
Прамаўляючы ў часе з’езду, ізраільскі прэм’ер адзначыў, што пашырэньню кааліцыі няма альтэрнатывы і што габрэйскія паселішчы ў паласе Газа мусяць быць зьліквідаваныя.