ТБІЛІСІ. Злучаныя Штаты занепакоеныя напружанай сытуацыяй у Паўднёвай Асэтыі. Гэтая тэма, у ліку іншых, абмяркоўваецца ў Тбілісі на сустрэчы памочніка дзяржсакратара ЗША Элізабэт Джонс з кіраўніком парлямэнту Грузіі Ніно Бурджанадзэ. Расейскія міратворцы ў Паўднёвай Асэтыі пачалі патруляваць раён паселішча Тамарашэні непадалёк Цхінвалі, дзе мінулае ночы адбыліся інтэнсіўныя перастрэлкі. Бакі абвінавачваюць адзін аднаго і адначасова заклікаюць пачаць перамовы.