Наш сталы слухач Генадзь Агафонаў зь Віцебску ў сваім лісьце адзначае, што спорт апошнім часам стаў “прывабнай варыяцыяй чалавечай актыўнасьці... Ім захапляюцца, тут знаходзяць, так бы мовіць, адпачынак душы”. Падобна, і для Генадзя СПОРТ, а ён піша гэтае слова вялікімі літарамі, вельмі прыцягальны і прывабны. Спадар Агафонаў лічыць, што беларускія атлеты прывязуць на Радзіму 12 мэдалёў, 2 зь якіх будуць найвышэйшай вартасьці.
А вось Юлія Пачкоўская зь вёскі Кастрыца Барысаўскага раёну зьвяртаецца да нас упершыню. “Пачула пра конкурс і вырашыла ў ім абавязкова ўдзельнічаць”, піша Юлія, “паколькі я вельмі люблю спорт і цікаўлюся ім”. Нашая слухачка мяркуе, што беларускія алімпійцы заваююць 15 мэдалёў, траціна зь якіх будзе залатымі. “Спадзяюся на сваю перамогу і перамогу беларускай каманды на Алімпіядзе ў Афінах” – гэткімі словамі заканчвае свой ліст Юлія Пачкоўская.
Пакуль самы шчодры адносна беларускіх алімпійцаў – Сяржук Хмялінка зь Менску. Ён лічыць, што на грэцкай Алімпіядзе яны здолеюць атрымаць аж 22 мэдалі, у тым ліку й 4 залатых. А вось Канстанцін Кузьняцоў зь Віцебску прагназуе: колькасьць беларусаў-чэмпіёнаў будзе ня болей двух. Дый тое, пры спрыяльных абставінах. “Я не зьдзіўлюся, калі чэмпіёнаў увогуле ня будзе”, піша спадар Кузьняцоў.
Лісты на алімпійскі конкурс пішуць звычайныя заўзятары. А які прагноз робяць людзі, непасрэдна зьвязаныя з алімпійскай тэматыкай, з вялікім спортам?
Шматразовы алімпійскі чэмпіён у фэхтаваньні Віктар Сідзяк лічыць: беларусы могуць прывезьці на Радзіму некалькі залатых мэдалёў.
(Сідзяк: ) “Напрыклад, можа быць у лёгкай атлетыцы, можа быць у стральбе. У фэхтаваньні толькі дзьве ліцэнзіі, адна – “глухая”, а Зьміцер Лапкес, хаця і перамагаў на некаторых турнірах, але ж Алімпіяда – гэта зусім іншы падыход”.
Майстар спорту міжнароднай клясы баксёр Эдуард Дубоўскі спадзяецца, што майстры скураной пальчаткі вернуцца з Афінаў з мэдалямі:
(Дубоўскі: ) “Магу сказаць толькі за бокс, тут можа быць нават пару мэдалёў”.
Спартовы журналіст Руслан Бацянкоў прагназуе колькасьць алімпійскіх узнагарод у межах 10-15:
(Бацянкоў: ) “З кожнай Алімпіядай канкурэнцыя ўзрастае. Таму, я думаю, што беларускія спартоўцы атрымаюць ня больш за два-тры мэдалі. А што датычыцца таго, колькі ўсяго будзе мэдалёў, то, на маю думку – ад 10 да 15”.
А вось Юлія Пачкоўская зь вёскі Кастрыца Барысаўскага раёну зьвяртаецца да нас упершыню. “Пачула пра конкурс і вырашыла ў ім абавязкова ўдзельнічаць”, піша Юлія, “паколькі я вельмі люблю спорт і цікаўлюся ім”. Нашая слухачка мяркуе, што беларускія алімпійцы заваююць 15 мэдалёў, траціна зь якіх будзе залатымі. “Спадзяюся на сваю перамогу і перамогу беларускай каманды на Алімпіядзе ў Афінах” – гэткімі словамі заканчвае свой ліст Юлія Пачкоўская.
Пакуль самы шчодры адносна беларускіх алімпійцаў – Сяржук Хмялінка зь Менску. Ён лічыць, што на грэцкай Алімпіядзе яны здолеюць атрымаць аж 22 мэдалі, у тым ліку й 4 залатых. А вось Канстанцін Кузьняцоў зь Віцебску прагназуе: колькасьць беларусаў-чэмпіёнаў будзе ня болей двух. Дый тое, пры спрыяльных абставінах. “Я не зьдзіўлюся, калі чэмпіёнаў увогуле ня будзе”, піша спадар Кузьняцоў.
Лісты на алімпійскі конкурс пішуць звычайныя заўзятары. А які прагноз робяць людзі, непасрэдна зьвязаныя з алімпійскай тэматыкай, з вялікім спортам?
Шматразовы алімпійскі чэмпіён у фэхтаваньні Віктар Сідзяк лічыць: беларусы могуць прывезьці на Радзіму некалькі залатых мэдалёў.
(Сідзяк: ) “Напрыклад, можа быць у лёгкай атлетыцы, можа быць у стральбе. У фэхтаваньні толькі дзьве ліцэнзіі, адна – “глухая”, а Зьміцер Лапкес, хаця і перамагаў на некаторых турнірах, але ж Алімпіяда – гэта зусім іншы падыход”.
Майстар спорту міжнароднай клясы баксёр Эдуард Дубоўскі спадзяецца, што майстры скураной пальчаткі вернуцца з Афінаў з мэдалямі:
(Дубоўскі: ) “Магу сказаць толькі за бокс, тут можа быць нават пару мэдалёў”.
Спартовы журналіст Руслан Бацянкоў прагназуе колькасьць алімпійскіх узнагарод у межах 10-15:
(Бацянкоў: ) “З кожнай Алімпіядай канкурэнцыя ўзрастае. Таму, я думаю, што беларускія спартоўцы атрымаюць ня больш за два-тры мэдалі. А што датычыцца таго, колькі ўсяго будзе мэдалёў, то, на маю думку – ад 10 да 15”.