ДУШАНБЭ. Ніжняя палата таджыцкага парлямэнту аднагалосна прыняла мараторый на сьмяротнае пакараньне. Максымальным пакараньнем у Таджыкістане цяпер будзе 25 гадоў зьняволеньня. Законапраект яшчэ мае быць зацьверджаны верхняй палатай парлямэнту, што большасьць назіральнікаў называе простай фармальнасьцю, і падпісаны прэзыдэнтам Імамалі Рахмонавым, які быў ініцыятарам мараторыя.