Пра гэта паведаміў Радыё Свабода віцебскі апазыцыянэр Барыс Хамайда:
(Хамайда: ) “Сёньня раніцай над Лёзна залунаў бел-чырвона-белы сьцяг з чорнай стужкай. Ён быў прымацаваны да вершаліны апоры ЛЭП, якая стаіць на гары, ля шашы, пры ўезьдзе ў Лёзна з боку Віцебску. Да сьцяга была прышпіленая запіска наступнага зьместу: “Сьветлай памяці слаўнага сына зямлі беларускай Уладзімера Рыгоравіча Плешчанкі. Пакуль на зямлі жывуць такія людзі, як ён, Беларусь жыла, жыве і будзе жыць вечна”. І подпіс: Мірон”.
Барыс Хамайда кажа, што сёньняшняя акцыя невядомага Мірона прысьвечаная саракавінам са дня сьмерці старшыні віцебскай абласной рады Кансэрватыўна-хрысьціянскай партыі БНФ. Ён згадвае таксама, што нацыянальны сьцяг з жалобнай стужкай і запіскай ад Мірона таксама быў зьявіўся ў Лёзьне тры гады таму на знак ушанаваньня памяці народнага пісьменьніка Беларусі Васіля Быкава.
Сорак дзён па сьмерці Ўладзімера Плешчанкі, які раптоўна памёр ад сардэчнага прыступу 20 траўня, на 57-м годзе жыцьця, ягоныя віцебскія сябры і аднадумцы мяркуюць адзначыць заўтра.
Нацыянальны сьцяг дзьве гадзіны лунаў над райцэнтрам, дзе Мірон упершыню заявіў пра сябе. А потым, як і ў папярэднія разы, яго зьнялі міліцыянты пры дапамозе супрацоўнікаў мясцовага прадпрыемства “Энэргасетак”.
(Хамайда: ) “Сёньня раніцай над Лёзна залунаў бел-чырвона-белы сьцяг з чорнай стужкай. Ён быў прымацаваны да вершаліны апоры ЛЭП, якая стаіць на гары, ля шашы, пры ўезьдзе ў Лёзна з боку Віцебску. Да сьцяга была прышпіленая запіска наступнага зьместу: “Сьветлай памяці слаўнага сына зямлі беларускай Уладзімера Рыгоравіча Плешчанкі. Пакуль на зямлі жывуць такія людзі, як ён, Беларусь жыла, жыве і будзе жыць вечна”. І подпіс: Мірон”.
Барыс Хамайда кажа, што сёньняшняя акцыя невядомага Мірона прысьвечаная саракавінам са дня сьмерці старшыні віцебскай абласной рады Кансэрватыўна-хрысьціянскай партыі БНФ. Ён згадвае таксама, што нацыянальны сьцяг з жалобнай стужкай і запіскай ад Мірона таксама быў зьявіўся ў Лёзьне тры гады таму на знак ушанаваньня памяці народнага пісьменьніка Беларусі Васіля Быкава.
Сорак дзён па сьмерці Ўладзімера Плешчанкі, які раптоўна памёр ад сардэчнага прыступу 20 траўня, на 57-м годзе жыцьця, ягоныя віцебскія сябры і аднадумцы мяркуюць адзначыць заўтра.
Нацыянальны сьцяг дзьве гадзіны лунаў над райцэнтрам, дзе Мірон упершыню заявіў пра сябе. А потым, як і ў папярэднія разы, яго зьнялі міліцыянты пры дапамозе супрацоўнікаў мясцовага прадпрыемства “Энэргасетак”.