(Лукашук: ) "Ужо тры гадзіны плошча поўная народу. Апошні раз такую колькасьць людзей, такую колькасьць бел-чырвона-белых сьцягоў менскія вуліцы бачылі толькі на разьвітаньні з Васілём Быкавым. Сёньня раніцай я быў на Ўсходніх могілках на магіле Васіля Уладзімеравіча, там стаялі сьвежыя кветкі, ягоны партрэт, і мне падалося, што ў яго была нейкая ўсьмешка. Сёньня дух Быкава на плошчы.
Неверагодная колькасьць людзей, неверагодная колькасьць моладзі, прыгожыя твары. Апроч бел-чырвона-белых сьцягоў блакітныя сьцягі, сьцягі Эўразьвязу, сьцягі руху “Зубр” і Менску, вялікі слёган “Пераможам!”
Доўгі час былі даволі істотныя праблемы з гукаўзмацняльнікам, але вось літаральна некалькі хвілінаў назад актывісты Беларускага Народнага фронту здолелі прывесьці дадатковую тэхніку. Мне расказвалі наступнае: невялікі ўздым на Кастрычніцкую плошчу, і яна ўся заледзенела і машына не магла даехаць, дык міліцыянты дапамагалі. Спадзяемся, што камунікацыя цяпер палепшыцца.
Паўгадзіны таму пачаўся вялікі сьнегапад, і была не зусім зразумелая яго прырода, але цяпер неба чыстае, нібы нічога не было. Але вельмі сьлізка і вельмі халодна. Ніхто з плошчы не сыходзіць. Ужо выступаў Аляксандар Казулін, шмат разоў выступаў Аляксандар Мілінкевіч. І нядаўна, як мы ўведалі, карцінкі з плошчы паказваў тэлеканал CNN.
Кожны тры хвіліны можна пачуць скандаваньне. “Жыве Беларусь!” “Свабода”."
Гл.таксама На Кастрычніцкай плошчы ідзе шматтысячны мітынг (фота) Калёна рухаецца да плошчы Перамогі
Неверагодная колькасьць людзей, неверагодная колькасьць моладзі, прыгожыя твары. Апроч бел-чырвона-белых сьцягоў блакітныя сьцягі, сьцягі Эўразьвязу, сьцягі руху “Зубр” і Менску, вялікі слёган “Пераможам!”
Доўгі час былі даволі істотныя праблемы з гукаўзмацняльнікам, але вось літаральна некалькі хвілінаў назад актывісты Беларускага Народнага фронту здолелі прывесьці дадатковую тэхніку. Мне расказвалі наступнае: невялікі ўздым на Кастрычніцкую плошчу, і яна ўся заледзенела і машына не магла даехаць, дык міліцыянты дапамагалі. Спадзяемся, што камунікацыя цяпер палепшыцца.
Паўгадзіны таму пачаўся вялікі сьнегапад, і была не зусім зразумелая яго прырода, але цяпер неба чыстае, нібы нічога не было. Але вельмі сьлізка і вельмі халодна. Ніхто з плошчы не сыходзіць. Ужо выступаў Аляксандар Казулін, шмат разоў выступаў Аляксандар Мілінкевіч. І нядаўна, як мы ўведалі, карцінкі з плошчы паказваў тэлеканал CNN.
Кожны тры хвіліны можна пачуць скандаваньне. “Жыве Беларусь!” “Свабода”."
Гл.таксама На Кастрычніцкай плошчы ідзе шматтысячны мітынг (фота) Калёна рухаецца да плошчы Перамогі
