Эўрапейская “сіняя карта” (“Blue Card”) ствараецца на ўзор амэрыканскай “зялёнай карты” (“Green Card”), аднак мае больш абмежаваны характар. На “сінюю карту” змогуць прэтэндаваць толькі кваліфікаваныя спэцыялісты – яны будуць запатрабаваныя ў краінах Эўрапейскага Зьвязу перш за ўсё на высокатэхналягічных вытворчасьцях. “Сінюю карту” будуць выдаваць на пэўны час, яна ня будзе аўтаматычна даваць яе ўладальніку магчымасьць жыць і працаваць у любой краіне Эўрапейскага Зьвязу.
У Страсбуры пра новую ініцыятыву Эўразьвязу паведаміў прэзыдэнт Эўрапейскага камісіі Жазэ Мануэл Барозу:
“Сіняй картаю” Эўрапейскага Зьвязу мы пасылаем ясны сыгнал: мы сардэчна запрашаем высокакваліфікаваных людзей з усяго сьвету ў Эўразьвяз. Дазвольце мне патлумачыць гэта. Я не абвяшчаю сёньня, што мы адчыняем дзьверы для 20 мільёнаў высокакваліфікаваных спэцыялістаў. “Сіняя карта” – гэта не незапоўнены чэк. Гэта ня права на ўезд, гэта дыктаваны патрэбамі падыход і агульная эўрапейская працэдура”.
Барозу падкрэсьліў, што дзяржавы Эўразьвязу павінны будуць вызначыць колькасьць імігрантаў, якой можна было б прапаноўваць “сінюю карту”. Увогуле, ініцыятыву “сіняй карты” яшчэ павінны ўхваліць дзяржавы Эўрапейскага Зьвязу – пакуль што гэта толькі прапанова Эўрапейскай камісіі – выканаўчага органу Эўразьвязу.
Эўрапейская камісія выходзіць з прапановаю, спрабуючы павысіць канкурэнтаздольнасьць Эўразьвязу на рынку працоўных месцаў: цяпер іншыя высокаразьвітыя краіны сьвету апярэджваюць дзяржавы Эўрапейскага Зьвязу паводле колькасьці запрошаных на працу замежных кваліфікаваных спэцыялістаў.
У Страсбуры пра новую ініцыятыву Эўразьвязу паведаміў прэзыдэнт Эўрапейскага камісіі Жазэ Мануэл Барозу:
“Сіняй картаю” Эўрапейскага Зьвязу мы пасылаем ясны сыгнал: мы сардэчна запрашаем высокакваліфікаваных людзей з усяго сьвету ў Эўразьвяз. Дазвольце мне патлумачыць гэта. Я не абвяшчаю сёньня, што мы адчыняем дзьверы для 20 мільёнаў высокакваліфікаваных спэцыялістаў. “Сіняя карта” – гэта не незапоўнены чэк. Гэта ня права на ўезд, гэта дыктаваны патрэбамі падыход і агульная эўрапейская працэдура”.
Барозу падкрэсьліў, што дзяржавы Эўразьвязу павінны будуць вызначыць колькасьць імігрантаў, якой можна было б прапаноўваць “сінюю карту”. Увогуле, ініцыятыву “сіняй карты” яшчэ павінны ўхваліць дзяржавы Эўрапейскага Зьвязу – пакуль што гэта толькі прапанова Эўрапейскай камісіі – выканаўчага органу Эўразьвязу.
Эўрапейская камісія выходзіць з прапановаю, спрабуючы павысіць канкурэнтаздольнасьць Эўразьвязу на рынку працоўных месцаў: цяпер іншыя высокаразьвітыя краіны сьвету апярэджваюць дзяржавы Эўрапейскага Зьвязу паводле колькасьці запрошаных на працу замежных кваліфікаваных спэцыялістаў.