У Бірме адбываюцца самыя бурныя акцыі пратэсту ад таго часу, калі 20 гадоў таму вайсковая хунта жорстка расправілася з дэманстрантамі, забіўшы 3 тысячы чалавек. Гэтым разам ад куляў салдат загінулі 9 чалавек, у тым ліку японскі журналіст, яшчэ 11 чалавек параненыя. У часе рэйдаў на манастыры ў Янгоне і ў іншых гарадах Бірмы паліцыя арыштавала каля 700 будысцкіх манахаў і двух актывістаў апазыцыйнай Народнай лігі за дэмакратыю.
Дэманстранты патрабуюць спыніць дыктатуру, аднавіць дэмакратычныя свабоды, вызваліць з-пад хатняга арышту лідэра Нацыянальнай лігі за дэмакратыю Аун Сан Су Чжы. Штуршком да пратэсту сталася і рэзкае падвышэньне цэнаў: на газ у пяць разоў, а на бэнзын – амаль на 70%. Пратэсты ўзначалілі будысцкія манахі, якіх у краіне агулам 300 тысяч. Яны заўсёды выконвалі актыўную палітычную ролю, ці то ў гады брытанскага панаваньня, ці апошнія 45 гадоў дыктатарскіх рэжымаў. Гэтым разам яны першымі выступілі супраць хунты, якую з 1992 году ўзначальвае генэрал Тан Швэ.
Жорсткі разгон дэманстрацыяў асудзілі Эўразьвяз і ЗША. На брыфінгу ў Вашынгтоне пасьля прыняцьця сумеснай заявы, прадстаўнік Дзярждэпартамэнту ЗША Том Кейсі заявіў:
“Эўразьвяз і Злучаныя Штаты выказваюць сваю салідарнасьць з народам Бірмы. Мы глыбока ўсхваляваныя паведамленьнямі пра тое, што сілы бясьпекі страляюць і атакуюць мірных дэманстрантаў, што арыштавалі многіх манахаў ды іншых людзей”.
Учора ЗША ўвялі эканамічныя санкцыі супраць 14 прадстаўнікоў кіроўнай у Бірме хунты, забаранілі любыя фінансавыя зьдзелкі з гэтым рэжымам і замарозілі ўсе яго банкаўскія рахункі ў ЗША. Прэзыдэнт ЗША Джордж Буш заклікаў Кітай дапамагчы Бірме ў мірным вяртаньні да дэмакратыі.
Кітай, Аўстралія ды іншыя краіны заклікалі хунту ў Бірме да стрыманасьці і дыялёгу з апазыцыяй. Рада Бясьпекіі ААН патрабуе ад уладаў Бірмы дазволу на прыбыцьцё ў краіну спэцыяльнага пасаланьнка ААН. Сваё пасярэдніцтва ва ўрэгуляваньні канфлікту прапанаваў ляўрэат Нобэлеўскай прэміі, былы прэзыдэнт Польшчы Лех Валэнса.
Аднак Рада Бясьпекі ААН ня здолела прыняць адмысловай рэзалюцыі ў справе падзеяў у Бірме, паколькі Кітай і Расея лічаць, што гэта ўнутраная праблема самой Бірмы, якая не пагражае міжнароднай бясьпецы і таму не падлягае мандату Рады.
Рэвалюцыя манахаў у Бірме, 25.09.2007 Гвалт супраць дэманстрацыі будысцкіх манахаў у Бірме, 26.09.2007
Дэманстранты патрабуюць спыніць дыктатуру, аднавіць дэмакратычныя свабоды, вызваліць з-пад хатняга арышту лідэра Нацыянальнай лігі за дэмакратыю Аун Сан Су Чжы. Штуршком да пратэсту сталася і рэзкае падвышэньне цэнаў: на газ у пяць разоў, а на бэнзын – амаль на 70%. Пратэсты ўзначалілі будысцкія манахі, якіх у краіне агулам 300 тысяч. Яны заўсёды выконвалі актыўную палітычную ролю, ці то ў гады брытанскага панаваньня, ці апошнія 45 гадоў дыктатарскіх рэжымаў. Гэтым разам яны першымі выступілі супраць хунты, якую з 1992 году ўзначальвае генэрал Тан Швэ.
Жорсткі разгон дэманстрацыяў асудзілі Эўразьвяз і ЗША. На брыфінгу ў Вашынгтоне пасьля прыняцьця сумеснай заявы, прадстаўнік Дзярждэпартамэнту ЗША Том Кейсі заявіў:
“Эўразьвяз і Злучаныя Штаты выказваюць сваю салідарнасьць з народам Бірмы. Мы глыбока ўсхваляваныя паведамленьнямі пра тое, што сілы бясьпекі страляюць і атакуюць мірных дэманстрантаў, што арыштавалі многіх манахаў ды іншых людзей”.
Учора ЗША ўвялі эканамічныя санкцыі супраць 14 прадстаўнікоў кіроўнай у Бірме хунты, забаранілі любыя фінансавыя зьдзелкі з гэтым рэжымам і замарозілі ўсе яго банкаўскія рахункі ў ЗША. Прэзыдэнт ЗША Джордж Буш заклікаў Кітай дапамагчы Бірме ў мірным вяртаньні да дэмакратыі.
Кітай, Аўстралія ды іншыя краіны заклікалі хунту ў Бірме да стрыманасьці і дыялёгу з апазыцыяй. Рада Бясьпекіі ААН патрабуе ад уладаў Бірмы дазволу на прыбыцьцё ў краіну спэцыяльнага пасаланьнка ААН. Сваё пасярэдніцтва ва ўрэгуляваньні канфлікту прапанаваў ляўрэат Нобэлеўскай прэміі, былы прэзыдэнт Польшчы Лех Валэнса.
Аднак Рада Бясьпекі ААН ня здолела прыняць адмысловай рэзалюцыі ў справе падзеяў у Бірме, паколькі Кітай і Расея лічаць, што гэта ўнутраная праблема самой Бірмы, якая не пагражае міжнароднай бясьпецы і таму не падлягае мандату Рады.
Рэвалюцыя манахаў у Бірме, 25.09.2007 Гвалт супраць дэманстрацыі будысцкіх манахаў у Бірме, 26.09.2007
