Ад пачатку верасьня падаражэлі тэлефонныя размовы, павялічылася абанэнцкая плата за карыстаньне тэлефонам і радыёкропкай — усё ў сярэднім на 7%.
Павелічэньне тарыфаў на паслугі электрасувязі прагназавалася. Яшчэ пры канцы жніўня намесьнік міністра эканомікі Ўладзімер Адашкевіч заявіў, што неўзабаве беларусаў чакае падвышэньне цэнаў практычна на ўсе харчовыя і нехарчовыя тавары.
Празь некалькі дзён пасьля гэтай заявы, 30 жніўня, падаражэў грамадзкі транспарт.
Кошт праезду ў Менску павялічыўся на 20% (ад 500 да 600 рублёў), у рэгіёнах праезд замест ранейшых 420 рублёў стаў каштаваць паўтысячы рублёў за паездку. Пры гэтым улады плянуюць яшчэ і адмяніць ільготны праезд у транспарце для большасьці катэгорыяў грамадзянаў.
Рост цэнаў зьвязаны з новымі рэаліямі ў гандлёвых дачыненьнях з Расеяй, кажа доктар эканамічных навук Барыс Жаліба.
“Павелічэньне цэнаў на расейскія газ і нафту адбіваецца на росьце сабекошту ў вытворцаў, даслоўна ўсіх — адных больш, другіх менш, але ўсіх. Пераход на поўную аплату, у прыватнасьці, расейскага газу, пачынаючы зь верасьня, мы адчуваем у росьце цэнаў на транспарт і на аплату жыльлёва-камунальных паслугаў”, — кажа Барыс Жаліба.
Сацыяльнага выбуху можа і ня быць
Сёлета тройчы падвышаліся цэны на паліва для аўтамабіляў, разам яны вырасьлі на 15%. У верасьні гэтаксама плянуецца падвышэньне цаны на хлеб — у сярэднім на 3%, на муку — на 4,5%, а таксама на малако — на 2%.
Яшчэ крыху статыстыкі. Ад пачатку году вырасьлі тарыфы і на камунальныя паслугі: на газ і электраэнэргію — на 20%, на цеплавую энэргію — на 12%. Павелічэньне тарыфаў адбывалася сёлета ўжо некалькі разоў.
Эканаміст Леанід Злотнікаў зьвяртае ўвагу на тое, што ўсе падвышэньні адбываюцца паступова:
“Калі гэты працэс будзе праходзіць паступова, калі будзе стрымлівацца рост няроўнасьці паміж слаямі насельніцтва, калі прыціснуць багатых і ўсіх, так бы мовіць, падраўняюць... І яшчэ адзін фактар, калі дзяржава моцна трымае карныя органы ў сваіх руках, дык калі вось гэтыя фактары будуць працаваць, то сацыяльнага выбуху ня будзе. Можа быць, і доўга такое будзе працягвацца”, — лічыць эканаміст Леанід Злотнікаў. Кошты вырастуць амаль на ўсё, 28.08.2007
Павелічэньне тарыфаў на паслугі электрасувязі прагназавалася. Яшчэ пры канцы жніўня намесьнік міністра эканомікі Ўладзімер Адашкевіч заявіў, што неўзабаве беларусаў чакае падвышэньне цэнаў практычна на ўсе харчовыя і нехарчовыя тавары.
Празь некалькі дзён пасьля гэтай заявы, 30 жніўня, падаражэў грамадзкі транспарт.
Кошт праезду ў Менску павялічыўся на 20% (ад 500 да 600 рублёў), у рэгіёнах праезд замест ранейшых 420 рублёў стаў каштаваць паўтысячы рублёў за паездку. Пры гэтым улады плянуюць яшчэ і адмяніць ільготны праезд у транспарце для большасьці катэгорыяў грамадзянаў.
Рост цэнаў зьвязаны з новымі рэаліямі ў гандлёвых дачыненьнях з Расеяй, кажа доктар эканамічных навук Барыс Жаліба.
“Павелічэньне цэнаў на расейскія газ і нафту адбіваецца на росьце сабекошту ў вытворцаў, даслоўна ўсіх — адных больш, другіх менш, але ўсіх. Пераход на поўную аплату, у прыватнасьці, расейскага газу, пачынаючы зь верасьня, мы адчуваем у росьце цэнаў на транспарт і на аплату жыльлёва-камунальных паслугаў”, — кажа Барыс Жаліба.
Сацыяльнага выбуху можа і ня быць
Сёлета тройчы падвышаліся цэны на паліва для аўтамабіляў, разам яны вырасьлі на 15%. У верасьні гэтаксама плянуецца падвышэньне цаны на хлеб — у сярэднім на 3%, на муку — на 4,5%, а таксама на малако — на 2%.
Яшчэ крыху статыстыкі. Ад пачатку году вырасьлі тарыфы і на камунальныя паслугі: на газ і электраэнэргію — на 20%, на цеплавую энэргію — на 12%. Павелічэньне тарыфаў адбывалася сёлета ўжо некалькі разоў.
Эканаміст Леанід Злотнікаў зьвяртае ўвагу на тое, што ўсе падвышэньні адбываюцца паступова:
“Калі гэты працэс будзе праходзіць паступова, калі будзе стрымлівацца рост няроўнасьці паміж слаямі насельніцтва, калі прыціснуць багатых і ўсіх, так бы мовіць, падраўняюць... І яшчэ адзін фактар, калі дзяржава моцна трымае карныя органы ў сваіх руках, дык калі вось гэтыя фактары будуць працаваць, то сацыяльнага выбуху ня будзе. Можа быць, і доўга такое будзе працягвацца”, — лічыць эканаміст Леанід Злотнікаў. Кошты вырастуць амаль на ўсё, 28.08.2007
