Юрка Бакур ня ўдзельнічаў сёньня ў паседжаньні суду. Прычыны тлумачыць гэтак:
“Навошта? Каб пачуць, што судзьдзя абвесьціць мне ганебны прысуд? Сёньня ёсьць справы больш важныя”.
Юрка Бакур і яшчэ чатырнаццаць маладых актывістаў сёньняшнюю ноч правялі ля будынку аддзелу міліцыі Ленінскага раёну. Чакалі вызваленьня Паўла Севярынца. Палітык выйшаў на волю ў 3 гадзіны 30 хвілін.
У першым інтэрвію Павал Севярынец перадусім адзначыў, што слухаў Радыё Свабода на прыймачы, які перадалі з волі берасьцейскія сябры:
“Гэта ўжо легенда берасьцейскіх ізалятараў. Ужо ведаюць, што ў ізалятары Маскоўскага РАУС нейкаму “палітычнаму” дазволілі слухаць Радыё Свабода. Безумоўна, я слухаў Радыё Свабода. Гэта вельмі падтрымлівала. Ведаў усю інфармацыю. І чуў таксама пра тыя суды, што адбываліся ў судзе Маскоўскага раёну Берасьця над іншымі актывістамі, затрыманымі на прэзэнтацыі кнігі “Лісты зь лесу”.
Таксама сёньня суд Маскоўскага раёну Берасьця вынес папярэджаньне Любові Праневіч. Яе меркаваньне пра рашэньне судзьдзі Сьмірновай:
“Тое, што ў мяне на руках быў загад рэдакцыі часопісу “Абажур” Беларускай асацыяцыі журналістаў, яна не прыняла да ўвагі. Таму я лічу, што гэта прамое парушэньне “Закону аб друку”. Таксама гэта парушэньне маіх правоў як журналіста”.
Такім чынам, на сёньня суд у Берасьці вызначыў пакараньні тром удзельнікам прэзэнтацыі кнігі Паўла Севярынца “Лісты зь лесу”. Яшчэ два пратаколы на затрыманых суд вярнуў з-за памылак. Позвы ў суд чакаюць яшчэ дзесяцёх сябраў апазыцыі.
Сытуацыю ў Берасьці камэнтуе Павал Севярынец:
“Гэтыя суды — спроба запалохаць беларусаў, якія падымаюцца з каленяў. Але тыя, хто верыць у Бога й любіць Беларусь, не спыняцца. Ні судамі, ні разгонам сустрэчаў, ні запалохваньнямі хаду Божай волі ў Беларусі і нацыянальнага абуджэньня не спыніць!”
Берасьце: працягваюцца суды над актывістамі, 3.09.2007 Суд Маскоўскага раёну Берасьця прысудзіў Паўлу Севярынцу 15 сутак арышту, 22.08.2007 Берасьце: падрабязнасьці затрыманьня ўдзельнікаў сустрэчы з П. Севярынцам, 20.08.2007
“Навошта? Каб пачуць, што судзьдзя абвесьціць мне ганебны прысуд? Сёньня ёсьць справы больш важныя”.
Юрка Бакур і яшчэ чатырнаццаць маладых актывістаў сёньняшнюю ноч правялі ля будынку аддзелу міліцыі Ленінскага раёну. Чакалі вызваленьня Паўла Севярынца. Палітык выйшаў на волю ў 3 гадзіны 30 хвілін.
У першым інтэрвію Павал Севярынец перадусім адзначыў, што слухаў Радыё Свабода на прыймачы, які перадалі з волі берасьцейскія сябры:
“Гэта ўжо легенда берасьцейскіх ізалятараў. Ужо ведаюць, што ў ізалятары Маскоўскага РАУС нейкаму “палітычнаму” дазволілі слухаць Радыё Свабода. Безумоўна, я слухаў Радыё Свабода. Гэта вельмі падтрымлівала. Ведаў усю інфармацыю. І чуў таксама пра тыя суды, што адбываліся ў судзе Маскоўскага раёну Берасьця над іншымі актывістамі, затрыманымі на прэзэнтацыі кнігі “Лісты зь лесу”.
Таксама сёньня суд Маскоўскага раёну Берасьця вынес папярэджаньне Любові Праневіч. Яе меркаваньне пра рашэньне судзьдзі Сьмірновай:
“Тое, што ў мяне на руках быў загад рэдакцыі часопісу “Абажур” Беларускай асацыяцыі журналістаў, яна не прыняла да ўвагі. Таму я лічу, што гэта прамое парушэньне “Закону аб друку”. Таксама гэта парушэньне маіх правоў як журналіста”.
Такім чынам, на сёньня суд у Берасьці вызначыў пакараньні тром удзельнікам прэзэнтацыі кнігі Паўла Севярынца “Лісты зь лесу”. Яшчэ два пратаколы на затрыманых суд вярнуў з-за памылак. Позвы ў суд чакаюць яшчэ дзесяцёх сябраў апазыцыі.
Сытуацыю ў Берасьці камэнтуе Павал Севярынец:
“Гэтыя суды — спроба запалохаць беларусаў, якія падымаюцца з каленяў. Але тыя, хто верыць у Бога й любіць Беларусь, не спыняцца. Ні судамі, ні разгонам сустрэчаў, ні запалохваньнямі хаду Божай волі ў Беларусі і нацыянальнага абуджэньня не спыніць!”
Берасьце: працягваюцца суды над актывістамі, 3.09.2007 Суд Маскоўскага раёну Берасьця прысудзіў Паўлу Севярынцу 15 сутак арышту, 22.08.2007 Берасьце: падрабязнасьці затрыманьня ўдзельнікаў сустрэчы з П. Севярынцам, 20.08.2007