Лінкі ўнівэрсальнага доступу

Магілёў: шэсьце і мітынг забаранілі


Радыё Свабода Магілёўскі гарвыканкам не дазволіў правесьці на Дзень Волі шэсьце й мітынг.

Магілёўскія ўлады матывавалі забарону тым, што дзень абвяшчэньня Беларускай Народнай Рэспублікі не зьяўляецца нацыянальным сьвятам Рэспублікі Беларусь.

Гарвыканкам патлумачыў адмову й тым, што ў грамадзтве існуюць палярныя погляды на гісторыю ўтварэньня БНР, і сьвяткаваньне можа прывесьці да сацыяльнага канфлікту.

У гэткай сытуацыі, як зазначана ў адказе, што падпісаў намесьнік старшыні гарвыканкаму Фёдар Міхеенка, дэманстрацыя і мітынг нямэтазгодныя.

Як паведамілі “Свабодзе” ў аргкамітэце, заяўнікі забароненай акцыі будуць падаваць у суд на пастанову гарвыканкаму.

Заяву на правядзеньне ў Магілёве 25 сакавіка шэсьця й мітынгу падпісалі дэпутат гарсавету Аляксандар Агееў, кіраўнікі рэгіянальных арганізацыяў Партыі БНФ Рыгор Кастусёў, Аб’яднанай дэмакратычнай партыі Ўладзімер Шанцаў, Беларускай сацыял-дэмакратычнай партыі “Грамада” Юры Новікаў ды кіраўнічка незалежнага прафсаюзу радыёэлектроннай прамысловасьці Галіна Лісіцына.

Пад заявай паставілі подпісы партыйныя актывісты Віталь Макаранка, Сяргей Стральцоў ды Ірына Качарова.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG