Шры-Лянка ўвяла бязьвізавы рэжым для 35 краін, у тым ліку для Беларусі

Сёньня турыстычная віза туды на 30 дзён пры афармленьні загадзя каштуе для беларусаў $50. Сэрвісны збор — $18,5, збор за апрацоўку заявы — $3,11.

Пра бязьвізавы рэжым паведаміў мясцовы партал старонка newswire.lk.

Прамых авіярэйсаў зь Менску на Шры-Лянку няма. Турысты лятаюць праз Абу-Дабі, Маскву, Дубай у ААЭ і Доху ў Катары.

У 2023 годзе на Шры-Лянцы адпачылі амаль 11 тысяч беларусаў, турыстычныя агенцтвы адзначалі, што кірунак стаў карыстацца большым попытам. Годам раней там адпачылі 3,6 тыс. беларусаў.

ГЛЯДЗІЦЕ ТАКСАМА:

Іншаземцы, якія прыедуць у Беларусь па бязьвізе, павінны зарэгістравацца ў МУС

ГЛЯДЗІЦЕ ТАКСАМА:

Беларусь увяла бязьвізавы рэжым для грамадзян яшчэ 35 эўрапейскіх дзяржаў