З прапановай паставіць Украіне «Таўрус» выступала партыя ХДС/ХСС, якая цяпер – парлямэнцкая апазыцыя ў Бундэстагу. Супраць выступілі «Зялёныя» і Свабодная дэмакратычная партыя. Пры гэтым прадстаўнікі абедзьвюх партый раней ухвалялі павелічэньне ваеннай дапамогі Ўкраіне, у тым ліку і крылатымі ракетамі. Аднак прапанову ХДС/ХСС яны расцанілі як спробу заваяваць тактычную перавагу на ўнутрыпалітычных дэбатах у Нямеччыне, піша Der Spiegel.
Акрамя таго, «Зялёныя» крытыкуюць парлямэнцкую кааліцыю за адмову ўхваліць заяўкі Украіны на эўраатлянтычную інтэграцыю – уступленьне ў Эўразьвяз і ў NATO.
- «Таўрус» – крылатыя ракеты «паветра – зямля» з дальнабойнасьцю да 500 кілямэтраў. Украіна просіць іх у Нямеччыны з траўня мінулага году. Крыніцы ў офісе канцлера Нямеччыны паведамлялі, што нямецкія ўлады не гатовыя прыняць рашэньне аб іх пастаўках, бо асьцерагаецца, што Ўкраіна можа прымяніць ракеты для нападаў на аб'екты на тэрыторыі Расеі.
