Лінкі ўнівэрсальнага доступу

У беларускім войску ўводзяць пасады капэлянаў


З 1 лістапада бягучага году ва Ўзброеных сілах Беларусі ўведзеная новая пасада — інструктар па працы зь веруючым асабовым складам.

Пра гэта паведамляе тэлеграм-канал Міністэрства абароны.

«На гэтыя пасады прызначаюцца сьвятары, якія маюць духоўную адукацыю, узьведзеныя ў сан і прыдатныя па стане здароўя для праходжаньня тэрміновай вайсковай службы (службы ў рэзэрве)», — адзначае міністэрства.

Асноўнай задачай гэтых вайскоўцаў будзе «ўдзел у духоўна-маральным выхаваньні, а таксама ў задавальненьні духоўна-рэлігійных патрэбаў асабовага складу».

Асноўная мэта ўвядзеньня названай пасады — максымальна эфэктыўнае выкарыстаньне патэнцыялу сьвятароў у інтарэсах фармаваньня вайсковых якасьцяў вайскоўцаў, іх поглядаў і настрояў, маральнага аблічча, гаворыцца ў паведамленьні МА.

Міністэрства інфармуе, што цяпер ва Ўзброеных сілах краіны на такія пасады прызначаныя 6 вайскоўцаў.

Ігар Лосік Кацярына Андрэева Ірына Слаўнікава Марына Золатава
XS
SM
MD
LG