Камітэт дзяржаўнай бясьпекі Беларусі 25 кастрычніка анансаваў правядзеньне 25–26 кастрычніка ў Магілёве вучэньняў і праверкі дзяржаўных органаў на рэагаваньне на тэракты.
У манэўрах удзельнічаюць падразьдзелы КДБ, а таксама міністэрстваў абароны, надзвычайных сытуацый і ўнутраных справаў, Сьледчага і Памежнага камітэтаў і іншых ведамстваў.
У час вучэньняў задзейнічаюць вайсковую тэхніку, імітацыйныя боепрыпасы і іншыя спэцсродкі. Таксама плянуецца выстаўляць на гарадзкой тэрыторыі блёкпасты. Магчымае абмежаваньне руху транспарту.
У траўні блёкпасты ставілі ў Гомлі — гэта былі вучэньні «тэрытарыяльнай абароны».
«Беларускі Гаюн» нагадвае, што падобныя антытэрарыстычныя вучэньні сёлета ладзілі ў Акцябрскім і Буда-Кашалёўскім раёнах Гомельскай вобласьці, а таксама ў Клімавіцкім раёне Магілёўскай вобласьці.
