Улады назвалі здарэньне тэрактам. Пра гэта паведамляюць ізраільскія СМІ.
Па сьведчаньнях відавочцаў, кіроўца спачатку зьбіў пешахода, які пераходзіў вуліцу. Затым зламысьнік наехаў на групу людзей і ўрэзаўся ў агароджу.
Паліцыя ўстанавіла асобу кіроўцы. Ім аказаўся жыхар арабскага кварталу Бейт-Цафафа ва Ўсходнім Ерусаліме. Яму каля 30 гадоў. Службы бясьпекі правяраюць вэрсію пра сувязь нападніка з палестынскімі ўзброенымі групоўкамі.
Напад адбыўся за некалькі гадзін да пачатку Дня памяці загінулых у войнах салдат і ахвяр тэрору.
Прэм’ер-міністар Ізраілю Біньямін Нэтаньягу ў момант наезду аўтамабіля на людзей прысутнічаў на жалобнай цырымоніі недалёка ад месца інцыдэнту.
Паліцыя ўзмацніла патруляваньне раёнаў Ерусаліму. Службы бясьпекі правялі рэйд у Бейт-Цафафе і ў доме кіроўцы.
Адказнасьць за тое, што здарылася, пакуль ніхто на сябе ня ўзяў, але радыкальная палестынская групоўка ХАМАС вітала дзеяньні кіроўцы.
