8 красавіка ў Берасьцейскім раёне паблізу вёскі Шчабрын сабраліся прыхільнікі вулічных гонак, якія, паводле вэрсіі ДАІ, «груба парушалі ПДР, тым самым стваралі пагрозу для жыцьця і здароўя іншых удзельнікаў дарожнага руху».
«Супрацоўнікі міліцыі неадкладна адрэагавалі на спробу правядзеньня незаконнага масавага мерапрыемства. Падчас правядзеньня апэратыўна-вышуковых мерапрыемстваў былі ўсталяваныя і затрыманыя арганізатары гонак», — адзначылі ў ДАІ.
Трох чалавек затрымалі за «парушэньне парадку арганізацыі ці правядзеньня масавых мерапрыемстваў». Яны знаходзяцца ў ізалятары часовага ўтрыманьня.
«За ўдзел у несанкцыянаваным мерапрыемстве на штрафстаянку зьмешчана 8 транспартных сродкаў, адзін зь іх матацыкл, акрамя гэтага, за парушэньні ПДР 11 кіроўцаў прыцягнуты да адміністрацыйнай адказнасьці», — паведамілі ў ДАІ.
