Паліцыя Ланкашыру пацьвердзіла, што за правапарушэньне пакараны «42-гадовы мужчына». Офіс прэмʼер-міністра распаўсюдзіў яго прабачэньні за тое, што здарылася.
Сунак знаходзіўся на заднім сядзеньні службовага аўтамабіля, у паездцы яго суправаджалі ахоўнікі-матацыклісты. Ён заявіў, што адшпіліўся на некалькі хвілін, пакуль здымалася відэа ў сацыяльныя сеткі.
Штраф за паездку бяз паса бясьпекі ў Брытаніі складае 100 фунтаў стэрлінгаў (123 даляры), калі правапарушальнік пакараны на месцы і 500 — калі справа перададзена ў суд.