Літоўцы назвалі Ўкраіну найбольш сяброўскай краінай. Беларусь таксама фігуравала ў апытаньні

Як паведамляе Delfi.lt, Украіна знаходзіцца ў ліку краінаў, якія ацэньваюць найбольш спрыяльна. Вельмі спрыяльна яе ацэньваюць 28% рэспандэнтаў, яшчэ 52% ацэньваюць гэту краіну спрыяльна.

Спрыяльную адзнаку атрымала і Польшча: 24% ацанілі яе вельмі спрыяльна і 64% хутчэй, спрыяльна. Далей ідуць Латвія (21% і 69%), Эстонія (19% і 68%), ЗША (19% і 51%), Швэцыя (17% і 65%), Францыя (16% і 67%), Нямеччына (14) % і 67%) і Вялікабрытанія (14% і 64%).

Астатнія тры краіны — Беларусь, Расея і Кітай — атрымліваюць менш спрыяльную ацэнку. Delfi.lt тлумачыць гэта тым, што Расія пачала вайну ва Ўкраіне, Беларусь успрымаецца як краіна, якая дапамагае незаконнай агрэсіі. Кітай згадваецца ня толькі ў кантэксьце адкрыцьця прадстаўніцтва Тайваня ў Літве (Пэкін адмоўна ацаніў гэты крок літоўскіх уладаў), але і як краіна, якая нават пасьля пачатку вайны ва Ўкраіне станоўча ацэньвае Крэмль.

ГЛЯДЗІЦЕ ТАКСАМА:

Тры краіны ЭЗ прапанавалі «плян выратаваньня Ўкраіны» з 10 пунктаў

Што тычыцца Беларусі, дык яе спрыяльна ацэньваюць менш за 1/5 рэспандэнтаў (3% вельмі спрыяльна і 15% хутчэй спрыяльна), 3/4 ацэньваюць краіну неспрыяльна (39% вельмі неспрыяльна і 34% неспрыяльна, 9% не адказалі на пытаньне). Крыху больш спрыяльна Беларусь ацанілі жыхары старэйшыя за 50 гадоў, пэнсіянэры, рабочыя і фэрмеры, этнічныя расейцы і палякі.

Пры гэтым, паводле апытаньня Baltijos tyrimai, палякі, якія пражываюць у Літве — адзіная група рэспандэнтаў, якая ацэньвае Беларусь спрыяльна (45%), а неспрыяльных адзнак Беларусі у гэтай групе было 33%.

ГЛЯДЗІЦЕ ТАКСАМА:

«Ізаляваць Беларусь і Расею ва ўсіх сэктарах і ва ўсіх міжнародных арганізацыях»,—прэзыдэнт Літвы заклікаў да больш жорсткіх санкцый

Каля 300 чалавек сабраліся ў Вільні на Ратушнай плошчы, каб адсьвяткаваць Дзень Волі. Перад гэтым яны ўсклалі кветкі да магілаў братоў Луцкевічаў і паўстанцаў 1863 году на віленскіх могілках «Росы».