Пайшоў з жыцьця бубнач кабарэ-бэнду «Серебряная свадьба» Арцём Залескі. Ён быў жанаты са сьпявачкай, вакалісткай гурту Сьвятланай Бень, у іх ёсьць дзьве дачкі.
Акрамя калектыву «Серебряная свадьба», Залескі граў у дуэце «Гурзуф» з баяністам Ягорам Забелавым, гуртах «Кассиопея» і «Любовь и спорт».
Разьвітаньне з Залескім адбудзецца 11 лютага ў крэматорыі на Паўночных могілках Менску. Пачатак цырымоніі а 13-й.
