Пра гэта блогу «Отражение» расказала сястра загінулага.
Уладзімер Цалуйка быў памочнікам сьвідроўшчыка. Напярэдадні ён выйшаў на зьмену і ў 23.20, паводле жанчыны, з-за павышэньня ціску ва ўстаноўцы адбыўся выбух гідракампэнсатара.
Ад аварыі пацярпелі два чалавекі: Уладзімер Цалуйка загінуў, другі рабочы ў рэанімацыі ў цяжкім стане.
Сястра апісвае брата як вельмі адказнага чалавека, які заўсёды надаваў шмат увагі сям’і, дапамагаў маці, працаваў на дзьвюх працах, каб забясьпечыць жонку і дачку.
На прадпрыемстве інцыдэнт пакуль не камэнтуюць.
