У заяве руху гаворыцца , што іх акцыя — напамін пра «гібрыдную вайну», якую разьвязалі «дэспаты» супраць усяго сьвету, уключна з Чэхіяй.
«Гэтым пратэстам мы хочам зьвярнуць увагу на сытуацыю ў Расеі і Беларусі, на два самыя дэспатычныя рэжымы ў сучаснай Эўропе. Гэтыя рэжымы аб’ядноўвае ня толькі іх фармальная „саюзная дзяржава“, але і іх непавага да правоў чалавека, прыгнёт свабоды свайго народу і апазыцыі», — кажуць чэскія актывісты.
Таксама на Старамескай плошчы ў старым горадзе Прагі адбыўся пікет салідарнасьці зь беларускімі палітвязьнямі.
