Лінкі ўнівэрсальнага доступу

У Беларусі рыхтуюць пераклад і выданьне трэцяй кнігі пра Гары Потэра


Перакладчыца кніг пра Гары Потэра на беларускую мову Алена Пятровіч
Перакладчыца кніг пра Гары Потэра на беларускую мову Алена Пятровіч

Выдавецтва пачало продаж папярэдніх дзьвюх кніг, а трэцюю выпусьціць у сярэдзіне кастрычніка.

Выдавецтва «Янушкевіч» анансавала дату выхаду трэцяй кнігі Джоан Роўлінг «Гары Потэр і вязень Азкабана». Яна пабачыць сьвет 16 кастрычніка 2021 году. Пра гэта выдавецтва напісала ў сваім тг-канале.

Над выданьнем працуюць: перакладчыца Алена Пятровіч, рэдактарка Натальля Давыдоўская, карэктарка Наста Анцімонік, дызайнэрка Крысьціна Іванцова. Аснова вокладкі — ад мастака Браяна Сэлзьніка (ЗША).

Чытачоў чакае выданьне на 450 старонках, на выбар у цьвёрдай і мяккай вокладцы. Ужо зараз можна прачытаць і спампаваць фрагмэнт кнігі.

16 жніўня, роўна за два месяцы да выхаду кнігі, на booksbox.by адкрыюць папярэднюю замову. Найлепшая прапанова па цане будзе напачатку, потым цана будзе паступова падвышацца.

Раней выдавецтва надрукавала дзьве кнігі пра Гары Потэра ў перакладзе на беларускую. Інтэрнэт-кнігарня januskevic.by прапануе першыя дзьве кнігі ў мяккай вокладцы, на белай паперы. Цана будзе да 20 рублёў. А 31 ліпеня і 1 жніўня першыя дзьве кнігі пра Гары Потэра прадаюцца ў цьвёрдай вокладцы са зьніжкай 15%.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG