Лінкі ўнівэрсальнага доступу

Забраныя сілавікамі пры ператрусах смартфоны прадаюцца як канфіскат


Ілюстрацыйнае фота

Адразу некалькі беларусаў, у якіх праходзілі ператрусы, убачылі забраную тэхніку на сайтах «канфіскату».

У жыхара Берасьця яшчэ ў кастрычніку 2020 году забралі тэлефон. Міліцыянты зрабілі гэта, верагодна, падчас ператрусу. Пасьля гэтага мужчыну асудзілі па крымінальным артыкуле 369 («абраза прадстаўніка ўлады») на 2 гады «хіміі», а тэлефон пастанавілі канфіскаваць «як прыладу злачынства».

Цяпер мужчына адшукаў свой тэлефон на сайце konfiskat.by, піша «Белсат». Падобныя гісторыі ў камэнтарах расказваюць і іншыя беларусы.

На сайце «Гандлёвага дому «Ўсходні», які належыць кіраўніцтву спраў Лукашэнкі, выставілі на продаж 50 канфіскаваных тэлефонаў. Амаль ва ўсіх у апісаньні паказаны IMEI — унікальны нумар, па якім уладальнік можа лёгка пазнаць свой тэлефон. Усе тэлефоны прадаюцца без зараднай прылады, некаторыя пад паролем.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG