Лінкі ўнівэрсальнага доступу

У суботу на літоўска-беларускай мяжы быў затрыманы яшчэ 41 мігрант


Мігранты, затрыманыя на беларуска-літоўскай мяжы, 22 чэрвеня 2021

Паводле дадзеных літоўскай Службы аховы мяжы, сёлета на мяжы зь Беларусьсю затрыманыя 2064 нелегальныя мігранты.

30 затрыманых у суботу мігрантаў прадставіліся ірацкімі грамадзянамі або мелі дакумэнты гэтай краіны, паведамляе delfi.lt.

Мігранты будуць правераныя на COVID-19 і ізаляваныя да атрыманьня вынікаў. Абставіны здарэньня высьвятляюцца, вядзецца сьледзтва. Пра асобаў, якія папрасілі прытулку, быў апавешчаны Дэпартамэнт міграцыі, які разглядае такія прашэньні.

Паведамляецца таксама, што сёлета ў Цэнтар рэгістрацыі замежнікаў не вярнулася 70 шукальнікаў прытулку. Гэтыя людзі выйшлі з цэнтру законна, маючы дазвол на свабодны рух па-за цэнтрам.

Замежнікі, якіх утрымліваюць на заставах, у памяшканьнях самаўрадаў і ў спэцыяльна абсталяваных месцах, права на свабодны рух ня маюць. На гэтым тыдні з такога часовага месца ўтрыманьня ўцяклі шэсьць мігрантаў, празь некалькі дзён яны былі затрыманыя.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG